پارلامەنت سەناتى توراعاسىنىڭ ورىنباسارى سەرگەي گروموۆ رەسەي فەدەرالدىق جينالىسى مەملەكەتتىك دۋماسىنىڭ دەپۋتاتى, «ەدينايا روسسيا» پارتياسى باس كەڭەسى حاتشىسىنىڭ ورىنباسارى سەرگەەم جەلەزنياكپەن كەزدەستى.
س.گروموۆ بيىلعى ناۋرىز ايىنداعى پرەزيدەنت سايلاۋىنىڭ تابىستى وتۋىمەن قۇتتىقتاي كەلىپ, قازاقستان مەن رەسەيدىڭ پارلامەنتارالىق بايلانىستارى ەكىجاقتى ىنتىماقتاستىقتىڭ ماڭىزدى قۇرامى ەكەنىن اتاپ ءوتتى. «بۇل قاتىناستارعا قازاقستان مەن رەسەي پارلامەنتتەرى جوعارعى پالاتالارى دەپۋتاتتارىنىڭ پارلامەنتارالىق ىنتىماقتاستىق جونىندەگى كوميسسياداعى قىزمەتى زور ىقپال ەتەدى», - دەدى ول.
ول سونداي-اق تمد پارلامەنتارالىق اسسامبلەياسى مەن ۇقشۇ پارلامەنتتىك اسسامبلەياسى پارلامەنتتىك ديپلوماتياداعى ماڭىزدى حالىقارالىق قىزمەت ەكەنىن اتاپ ءوتتى, وسى ىقپالداسۋ بىرلەستىكتەرىنىڭ اياسىندا دەپۋتاتتار ەلدەر زاڭناماسىنىڭ ۇيلەسىمى مەن جاقىنداسۋىن قامتاماسىز ەتەدى.
س.گروموۆ قازاقستان ىشكى ساياساتىنداعى باستى باعىتتار مەن ونداعى نەگىزگى ستراتەگيالار مەن باعدارلامالىق قۇجاتتار تۋرالى حاباردار ەتىپ, مەملەكەت باسشىسى ن.ءا.نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋى مەن بەس الەۋمەتتىك باستاماسى جايىندا جان-جاقتى اڭگىمەلەپ بەردى.
«ەدينايا روسسيا» پارتياسى باس كەڭەسى حاتشىسىنىڭ ورىنباسارى قازاقستان پرەزيدەنتىنىڭ الەۋمەتتىك باستامالارىنىڭ ماڭىزىن اتاپ ءوتتى جانە سيريا شيەلەنىستەرى جونىندەگى كەلىسسوزدەردەگى قازاقستاننىڭ رولىنە جوعارى باعا بەردى.
تاراپتار سونداي-اق ايماقارالىق جانە ەكونوميكالىق ىنتىماقتاستىق ماسەلەلەرىن دە تالقىلادى.