بۇل تۋرالى وبلىستىق دەنساۋلىق ساقتاۋ باسقارماسىنىڭ القا ماجىلىسىندە سالا باسشىسى ەركىن داۋىتباەۆ مالىمدەدى.
دارىگەر كادرلارىنىڭ جەتىمسىزدىگى وبلىستا وتكىر ماسەلەگە اينالعان. قازىر دەنساۋلىق ساقتاۋ سالاسىنىڭ مەملەكەتتىك سەكتورىندا 15459 ادام قىزمەت ىستەيدى, سونىڭ 1816 جوعارى ءبىلىمدى دارىگەرلەر, 6462 ورتا بۋىن مەديتسينا قىزمەتكەرلەرى. 2018 جىلدىڭ 1 قاڭتارىندا دارىگەر ماماندارمەن قامتاماسىز ەتۋ كورسەتكىشى ءار 10 000 تۇرعىنعا شاققاندا 20,66 دارىگەردەن كەلەدى ەكەن. ال ورتا بۋىن مەديتسينا قىزمەتكەرلەرىمەن قامتاماسىز ەتۋ كورسەتكىشى ءار 10 000 ادامعا 73,5 كەلەدى.
«وبلىستا بىلىكتى مامانداردى تارتۋعا ارنالعان جۇمىستارعا قاراماستان كادر تاپشىلىعى ماڭىزدى ماسەلە كۇيىنشە قالىپ وتىر. قازىر وبلىستا 275 دارىگەر جەتىسپەيدى. ونىڭ 74-ءى اۋىلدى جەرلەرگە كەرەك» دەدى وبلىستىق دەنساۋلىق ساقتاۋ باسقارماسىنىڭ باسشىسى ەركىن داۋىتباەۆ.
وبلىس اكىمى ارحيمەد مۇحامبەتوۆ دارىگەر ماماندارمەن قامتااسىز ەتۋ ماسەلەسىن شەشۋدىڭ جولدارىن ىزدەستىرۋ كەرەكتىگىن ايتتى.
«بۇگىن وبلىستىق اۋرۋحانانى ارالاعاندا انەستەزيولوگ, تاعى باسقا ماماننىڭ جەتىسپەيتىندىگىن ەستىدىم. وبلىستىق اۋرۋحانادا دارىگەر جەتىسپەگەندە, اۋىلدىڭ جاعدايى قالاي بولماق؟ «ديپلوممەن اۋىلعا» باعدارلاماسىنا تاعى دا قوسىمشا پروتوكول ەنگىزۋ كەرەك. ءاربىر اۋدان قاجەتتى جاس مامانداردى تارتىپ, ولاردى قامتاماسىز ەتۋ كەرەك» دەدى ارحيمەد بەگەجان ۇلى.
ءنازيرا جارىمبەت,
ەگەمەن قازاقستان»
قوستاناي