سولتۇستىك قازاقستان كاسىپكەرلەرى اۋىلعا كومەكتەستى

«تۋعان جەرگە تاعزىم» رەسپۋبليكالىق جو­با­سى اياسىندا 126 ءىس-شارا ۇيىم­داس­تىرىلدى. وڭىردە تۋىپ-وسكەن زاماتتاردىڭ قول ۇشىن بەرگەنىن ايتا كەتكەن ءجون. ولاردىڭ قاتارىندا «ەگوروۆسكيە سكلادى» جشس باسشىسىنىڭ ەسىمى قۇرمەتپەن اتالادى. ول 320 ميلليون تەڭگە تۇراتىن بالاباقشانىڭ قۇرىلىسىن پايدالانۋعا بەردى. وسى كومپانيا مەملەكەت-جەكەمەنشىك ارىپتەستىگى اياسىندا تەننيس كورتىن سالۋدا.تايىنشا اۋدانىنىڭ يليچەۆكا اۋىلىندا مەديتسينالىق پۋنكت اشىلدى. جەكە كاسىپكەر س.جاقىپوۆ جانە «يليچ» جشس قايتارىمسىز نەگىزدە دەمەۋشىلىك كومەك كورسەتتى. مەملەكەت-جەكەمەنشىك ارىپتەستىگى شەڭبەرىندە كومسومول اۋىلدىق وكرۋگىندە اۋىل تۇرعىندارىنا مادەني-ساۋىقتىرۋ ورتالىعى پايدالانۋعا بەرىلدى. ونىڭ قۇرىلىسىنا «كاشين ا.ۆ. جانە ك» فەرمەرلىك قوجالىعىنىڭ باسشىسى الەكساندر كاشين دەمەۋشىلىك كورسەتتى.

قىزىلجار – ەل قورعاعان باتىرلاردى, كۇمىس كومەي انشىلەر مەن سال-سەرىلەردى دۇنيەگە اكەلگەن قاسيەتتى مەكەن. وسى سەبەپتى «تالانتقا تولى تۋعان ءوڭىر» وڭىرلىك جوباسى اياسىندا «جۇماعى جەردىڭ قىزىلجار» اتتى جەرگىلىكتى اقىن-كومپوزيتورلاردىڭ ءان كونكۋرسى وتكىزىلدى. كەشتە كاكىمبەك سالىقوۆ, ەرمەك سەركەباەۆ, جولامان تۇرسىنباەۆ جانە باسقا جەرلەستەرىمىز ۇلىقتالدى.

 «سانالى ازامات» بازالىق باعىتىنىڭ « ۇلى دالا جاستارى» جوباسىنىڭ اياسىندا م.قوزىباەۆ اتىنداعى سقمۋ-دە ستۋدەنت جاستارعا باعدارلامانىڭ ءمان-ماعىناسىن ءتۇسىندىرۋ جۇمىستارى بەلسەندى جۇرگىزىلدى. «رۋحاني جاڭعىرۋ» باعدارلاماسىن تولىققاندى جۇزەگە اسىرۋ ءۇشىن عالىمداردىڭ جەتەكشىلىگىمەن 4 ەكسپەرتتىك توپ قۇرىلدى. ءبىلىم بەرۋ باعدارلامالارىنىڭ مازمۇنى جاڭارتىلدى. وقۋ جوسپارلارىنا «ولكەتانۋ جانە تۋريزم نەگىزدەرى», «ەكولوگيالىق تۋريزم», «XIX – XX عاسىرلارداعى سولتۇستىك قازاقستاننىڭ تاريحى», «سقو مۋزەيلەرى مەن ارحولوگيالىق ەسكەرتكىشتەرى» جانە ت.ب. ەلەكتيۆتى پاندەر ەنگىزىلدى.

وبلىستا قوعامدىق سانانى جاڭعىرتۋ باعدارلاماسى اياسىندا جۇرگىزىلىپ جاتقان شارالاردىڭ تيىمدىلىگىن ارتتىرۋ بويىنشا جۇمىستار جالعاسىن تابا بەرەتىن بولادى.

جانار تالاسپاەۆا,

«رۋحاني جاڭعىرۋ» وڭىرلىك جوبالىق كەڭسەسىنىڭ جەتەكشىسى

سولتۇستىك قازاقستان وبلىسى