ءبىز, قازاقستان جاستارى مەملەكەت باسشىسىنىڭ الەمدىك دەڭگەيدەگى جاڭا گۋمانيتارلىق ءبىلىمدى قالىپتاستىرۋ جونىندەگى باستاماسىن قولداي وتىرىپ, جاڭا وقۋلىقتار جاستارىمىزدىڭ, قوعامىمىزدىڭ دۇنيەتانىمدىق وزگەرىستەرىنە العىشارت بولاتىنىنا سەنىمدىمىز.
«100 جاڭا وقۋلىق» جوباسى وتاندىق ءبىلىم بەرۋ سالاسىنىڭ دامۋىنا تىڭ سەرپىن بەرەدى. قازاق ءتىلىنىڭ قولدانىس اياسىن ودان سايىن كەڭەيتە تۇسۋگە ىقپالىن تيگىزەتىن, قازاق ءتىلىنىڭ عىلىم ءتىلى رەتىندە, ساراپتاما ءتىلى رەتىندە, بيزنەستىڭ ءتىلى رەتىندە دامۋىنا سەبەپ بولاتىنىن ەسكەرە وتىرىپ, ەلىمىزدىڭ جوعارى ءبىلىم بەرۋ سالاسىن جەدەل جاڭعىرتۋ قاجەت دەپ سانايمىز.
جاھاندىق دەڭگەيدەگى عىلىمي ەڭبەكتەردىڭ قازاق تىلىندە قولجەتىمدى بولۋى عىلىمي-اعارتۋشىلىق ورتانىڭ بارلىق باعىتتار بويىنشا جان-جاقتى دامۋىنا سەپتىگىن تيگىزىپ, ەرەكشە مۇمكىندىكتەرگە جول اشادى.
ءبىز ەلىمىزدەگى ءبىلىم مەن عىلىم جالپى جاڭعىرۋ ءۇردىسىنىڭ نەگىزگى تىرەگى بولۋى كەرەك دەپ سانايمىز.
ول ءۇشىن جوعارى جانە جوعارى بىلىمنەن كەيىنگى ءبىلىم بەرۋ سالاسىنىڭ ماقسات-مىندەتتەرىنە كەشەندى رەۆيزيا جاساپ, ولاردى دامۋدىڭ جاڭا تالاپتارىنا سايكەستەندىرۋ قاجەت.
ورتا ءبىلىم بەرۋ جۇيەسىندەگى وزگەرىستەر ديناميكاسى جوعارى جانە جوعارى بىلىمنەن كەيىنگى ءبىلىم بەرۋ سالاسىن دا ساپالى رەفورمالاۋ قاجەتتىگىن كورسەتىپ وتىر.
تابىستى سىناقتان ءوتىپ, ەڭ ۇزدىك الەمدىك ستاندارتتار بويىنشا جۇمىس ىستەپ جاتقان نازارباەۆ زياتكەرلىك مەكتەپتەرى مەن نازارباەۆ ۋنيۆەرسيتەتىنىڭ تاجىريبەلەرىن بەلسەندى تۇردە ەنگىزۋ قاجەت.
ءبىلىم بەرۋدىڭ باسەكەگە قابىلەتتى ۇلگىسىن قالىپتاستىرۋ ءبىلىم بەرۋدىڭ ادىستەمەسى مەن وقۋلىقتاردىڭ مازمۇنى جەتىلدىرىپ, سۇرانىسقا يە ماماندىقتاردىڭ ءتىزىمىن جاڭارتۋدى تالاپ ەتەدى.
تيىسىنشە, جاڭا مىندەتتەرگە سايكەس ۇستازداردىڭ بىلىكتىلىگىن كوتەرۋ جانە ستۋدەنتتەر مەن وقىتۋشىلاردىڭ وزگەرىستەرگە دايىن بولۋى مەيلىنشە وزەكتى ماسەلە.
جوعارى وقۋ ورىندارىنا اكادەميالىق دەربەستىك قاعيدالارىن ەنگىزىپ, باسقارۋ ءىسى مەن تسيفرلى تاسىلمەن ءبىلىم بەرۋدى قامتاماسىز ەتۋ كەرەك. تۇپتەپ كەلگەندە, ءبىلىم بەرۋ سالاسى ادام كاپيتالىن قالىپتاستىرۋعا, ەكونوميكالىق ءبىلىمدى دامىتۋعا جانە تەحنولوگيالار مەن يننوۆاتسيالاردىڭ ترانسفەرتىنە باعىتتالعانى ءجون.
رۋحاني جاڭعىرۋ – ادام ءومىرىنىڭ بارلىق تۇستارىن قامتيتىن ءۇردىس.
دامۋدىڭ ءاربىر كەزەڭى بىزگە زامان تالاپتارىنان تۋىندايتىن جاڭا مىندەتتەر جۇكتەيدى.
جاستار ۇيىمدارى ءوز تاراپىنان وسى مىندەتتەردى جۇزەگە اسىرۋعا بارىنشا قولداۋ ءبىلدىرىپ, جاستاردىڭ وعان جۇمىلا اتسالىسۋى ءۇشىن ەڭبەك ەتەتىن بولادى.
«قازاقستان-2050» جق, «جاس وتان» جق, «بولاشاق» اسسوتسياتسياسى, «قازاقستان جاستارى كونگرەسى» زتب, «قازاقستان ستۋدەنتتەرى اليانسى» قق