باتىس قازاقستان وبلىسى ديقاندارى كوكتەمگى ەگىسكە دايىن. «وڭىردە اگروتەحنيكالىق جۇمىستى ساپالى اتقارۋعا مەملەكەت تاراپىنان بارلىق قاجەتتى جاعداي جاسالعان. بيىل وسىمدىك شارۋاشىلىعى سالاسىن قولداۋعا سۋبسيديا تۇرىندە 1 ملرد. تەڭگەدەن اسا قارجى ءبولىندى» دەپ مالىمدەدى باتىس قازاقستان وبلىستىق اۋىل شارۋاشىلىعى باسقارماسى باسشىسىنىڭ ورىنباسارى ساتقان ومىرزاقوۆ.
وڭىرلىك كوممۋنيكاتسيالار قىزمەتىندە وتكەن ءباسپاسوز ءماسليحاتىنا «اگرارلىق نەسيە كورپوراتسياسى» اق بقو فيليالىنىڭ ديرەكتورى ەرلان نىسانعاليەۆ پەن «اۋىل شارۋاشىلىعىن قارجىلاي قولداۋ قورى» بقوف ءبولىم باسشىسى ازامات احمەتوۆ تە قاتىستى.
ساتقان ومىرزاقوۆتىڭ ايتۋىنشا, 2017 جىلى اۋىل شارۋاشىلىعى داقىلدارى ەگىس القاپتارىنىڭ قۇرىلىمىن ءارتاراپتاندىرۋ بويىنشا قازاقستان رەسپۋبليكاسى اۋىل شارۋاشىلىعى مينيسترلىگى مەن وبلىس اكىمدىگى, «قازاگرو» اق جانە «ۇلتتىق اگرارلىق عىلىمي-ءبىلىم بەرۋ ورتالىعى» اق اراسىندا 2017-2021 جىلدارعا ارنالعان ءتورت جاقتى مەموراندۋمعا قول قويىلعان.
- بيىل كوكتەمگى دالالىق جۇمىستارعا وبلىس بويىنشا 630-عا جۋىق شارۋاشىلىق قاتىسادى. 2018 جىلى جالپى اۋىل شارۋاشىلىعى داقىلدارىنىڭ القابى 513,5 مىڭ گا بولادى دەپ وتىرمىز. بۇل بىلتىرعىدان 11,9 مىڭ گا ارتىق. سونىڭ ىشىندە مايلى داقىلدار القابى 61,0 مىڭ گا بولادى دەپ كۇتىلسە, كۇنباعىستى 48,0 مىڭ گەكتارعا (2017 ج. – 42,8 مىڭ گا) جەتكىزۋ ويدا بار. كارتوپ جانە كوكونىس-باقشا داقىلدارى القابى 9500 گا بولادى. ونىڭ ىشىندە كارتوپ - 4 200 گا, كوكونىس داقىلدارى - 3 600 گا, باقشا داقىلدارى – 1 700 گا بولسا, ديقاندار ىشكى نارىقتى تولىق قامتىپ, كورشىلەس وڭىرلەرگە دە شىعارا الادى, - دەيدى ساتقان ەرجان ۇلى.
ءدال قازىر دالالىق جۇمىستارعا 4215 تراكتور, 4965 تۇقىم سەپكىش, 811 كۋلتيۆاتور جانە «دجون دير», «فلەكسيكويل», «كەيس», «حورش» ماركالى ونىمدىلىگى جوعارى ەگىس كەشەندەرى دايىن تۇر ەكەن. «تەحنيكالاردىڭ دايىندىعى 98%! – دەيدى وڭىرلىك اۋىل شارۋاشىلىق باسقارما وكىلى.
جوعارىدا اتالعان جۇمىستى اتقارۋ ءۇشىن وبلىستا 12 مىڭ توننا ديزەل وتىنى قاجەت. ءساۋىر ايىنا – 5 مىڭ توننا, مامىر ايىنا – 7 مىڭ توننا قاجەت بولسا, بۇل ديزەل وتىنىن جەتكىزۋشى وپەراتور - «باتىس ارنا» جشس بولىپ بەكىتىلدى. ديزەل وتىنىنىڭ باعاسى ليترىنە 141 تەڭگە. قازىر تاۋار وندىرۋشىلەر مەن «باتىس ارنا» جشس اراسىندا كەلىسىمشارت جۇرگىزىلىپ جاتىر.
- تۇقىمدىق ءدان ماسەلەسىندە دە ەش ىركىلىس جوق. وبلىستا 23,5 مىڭ توننا جازدىق داقىلدار تۇقىمى ازىرلەندى, ول قاجەتتىلىكتىڭ 113,3%-ىن قۇرايدى. وڭىردە جوعارى رەپرودۋكتسيالى تۇقىم وندىرۋمەن ءبىر ەليتالىق تۇقىم شارۋاشىلىعى جانە بەس تۇقىم شارۋاشىلىعى اينالىسۋدا. ولار 6,8 مىڭ توننا تۇقىم ءوندىرىپ, 3,5 مىڭ جوعارى ساپالى اۋدانداستىرىلعان ءداندى داقىلدار سورتتارىن ساتۋعا ءازىر وتىر. سونىڭ ىشىندە جازدىق بيداي – 2800 توننا, ارپا – 428 توننا, س ۇلى – 63 توننا. مايلى داقىلدار تۇقىمىنا سۇرانىس 500 توننا, شارۋاشىلىقتار 725 توننا تۇقىمدى ازىرلەپ, ساتىپ الدى, قاجەتتى كولەمنەن 145% ارتىق, - دەپ اتاپ ءوتتى س.ومىرزاقوۆ.
القاپقا ساپالى تۇقىم سەبىلۋى ءۇشىن مەملەكەت كومەگى دە قاراستىرىلعان. «تۇقىم شارۋاشىلىعىن دامىتۋدى سۋبسيديالاۋ» باعدارلاماسى اياسىندا 2018 جىلى 192,4 ملن. تەڭگە قارجى ءبولىندى. سۋبسيديالار اۋىلشارۋاشىلىعى تاۋار وندىرۋشىلەرىنىڭ, تۇقىم شارۋاشىلىقتارىنىڭ شىعىندارىن ءىشىنارا ازايتۋدى كوزدەيدى. اتالعان باعدارلاماعا سايكەس, اۋدانداستىرىلعان تۇقىم سورتتارىن ساتىپ الۋ شىعىندارىنىڭ 70%, اۋدانداستىرىلماعان تۇقىم سورتتارىن ساتىپ الۋ شىعىندارىنىڭ 30% سۋبسيديالاۋ قاراستىرىلعان. بۇعان قوسا, ديقاندار اگروتەحنيكالىق شارالاردى بارىنشا تولىق ساقتاۋعا تىرىسادى. كۇنى بۇگىن وبلىس شارۋاشىلىقتارى 1358 توننا مينەرالدى تىڭايتقىشتارعا تاپسىرىس بەرىپتى. «قازىر بۇل تىڭايتقىش وندىرىلەتىن زاۋىتتاردا تيەلۋ ۇستىندە» دەيدى باسقارما وكىلى.
ايتپاقشى, «تسيفرلى قازاقستان» جوباسى اۋىل شارۋاشىلىعىنا دا ەنە باستاپتى. قازىرگى تاڭدا بۇكىل ەلىمىز بويىنشا القاپتاردى ەلەكتروندىق فورماتقا كوشىرۋ جۇمىسى جۇرگىزىلۋدە. باتىس قازاقستان وبلىسىندا بۇل جۇمىس بيىلعى 1 شىلدەدە دەيىن اياقتالۋى ءتيىس. القاپتاردى ەلەكتروندىق فورماتقا كوشىرۋ ارقىلى اۋىل شارۋاشىلىعى جۇمىستارىنا بولىنەتىن ديزەل وتىنى ءادىل ۇلەستىرىلەتىن بولادى. سونىمەن قاتار, پورتال كومەگى ارقىلى وپەراتور مەن ديقاندار اراسىندا ديزەل وتىنىن on-line ساتۋعا جانە ساتىپ الۋعا جول اشىلادى جانە ول ەلەكتروندى كەلىسىمشارت ارقىلى جۇرەدى. كوكتەمگى دالالىق جۇمىستاردى قارجىلاندىرۋ «اگرارلىق نەسيە كورپوراتسياسى» اق-نىڭ «كەڭ دالا» جانە «اۋىل شارۋاشىلىعىن قارجىلاي قولداۋ قورى» اق-نىڭ «ەگىنجاي» باعدارلامالارى ارقىلى جۇرگىزىلۋدە.
قازبەك قۇتتىمۇرات ۇلى
«ەگەمەن قازاقستان»
باتىس قازاقستان