رونالدۋعا قازاق شاپانى سىيعا تارتىلدى

رونالدۋعا شاپان تىككەن «نۇر-شاح» ءسان ءۇيىنىڭ تۋىن­دى­­لارى قازاقستانعا كەڭى­نەن تا­نىمال, ەلىمىزدە ونىڭ ونىم­دە­رىن تۇتىناتىن ونەر ادامدارى جەتەرلىك. قازاقتىڭ ۇلتتىق ناقى­شى مەن ويۋ-ورنەكتەرىنە جا­ڭا­شا ءسان-سيپات بەرىپ, كە­شە­گى مەن بۇگىندى بايلانىس­تىرۋ ارقىلى زاماناۋي تال­عام قالىپتاستىرۋدى, ماڭ­عىس­تاۋدىڭ وزىندىك ەرەكشە نا­قى­شىن تانىتۋدى, قازاقتىڭ ۇلت­تىق ويۋ-ورنەگىنىڭ بىرىنەن-ءبى­رى وزعان الەمدىك ءسان تاس­قى­نىن­دا تاسادا قالىپ قويماي, قول­دانىسقا دەندەي ەنۋىن كوز­دەگەن شەبەر نۇرجامال نۇر­پەيىسوۆا ءسان الەمىندە ءوز ار­مان-ماقساتىنا قول جەتكىزدى دەۋ­گە بولادى. ون جەتى جىل بۇ­رىنعى اياعىن اپىل-تاپىل باس­قان كاسىبى قازىر ورگە دو­مالاپ, ەلىمىزدە تانىمال برەند­كە اينالدى. بۇگىندە ءسان ءۇيى­نىڭ ونىمدەرىنە تەك قازاق­ستان­نىڭ ەمەس, شەت ەلدەردىڭ تۇرعىندارى دا قىزى­عۋ­شىلىقپەن سۇرانىس بەرىپ جاتادى. 

مەملەكەتتىك قولداۋلارعا سۇيەنىپ كاسىبىن جولعا قويعان كاسىپكەر ن.نۇرپەيىسوۆانىڭ «نۇر-شاح» ءسان ءۇيى ماڭعىستاۋ وبلىستىق, رەسپۋبليكالىق بايقاۋلارىندا جەڭىمپاز اتانىپ, رەسپۋبليكالىق جانە حالىقارالىق كورمەلەرگە قاتى­­سىپ, ەل مەرەيىن كوتەردى. قازىر اس­تانا, اقتاۋ جانە جاڭا­وزەن قا­لا­لارىندا بولىم­شە­لەرى بار ءسان ءۇيى 50-دەن استام ادامدى جۇمىسپەن قامتىپ وتىر, مۇ­گەدەك بالا­لار­­عا, تۇرمىسى تومەن وت­با­سى­­لارعا قايىرىمدىلىق كو­مەك ۇيىمداستىرۋدى دا ۇمىت قالدىرمايدى. 

ءسان ءۇيى­نىڭ يەسى نۇرجا­مال نۇر­پەيىسوۆانىڭ ايتۋىنشا, ۇجىم قىزمەتكەرلەرى مۇناي كومپانياسىنىڭ رونالدۋعا شاپان تىگۋ تۋرالى تاپسىرىسى بويىنشا ەكى اي تاپجىلماي جۇمىس ىستەگەن. الدىمەن, جەر­گىلىكتى جانە رەسەيلىك سۋر­ەت­­شىلەردىڭ كومەگىمەن ون شاپان­نىڭ ەسكيزى جاسالىنعان, ال تاپ­سىرىس بەرۋشىلەردىڭ تالا­بى بويىنشا شاپاننىڭ ار­تىندا, ياعني جاۋىرىنىندا قا­زاق­ستاننىڭ تۋى, كۇن جا­نە قى­ران بەينەسى بولۋ مىن­دەت­تە­لىپتى. 

ديزاينەرمەن اقتاۋداعى نازارباەۆ زياتكەرلىك مەكتەبى وقۋ­شىلارى كەزدەسۋ وتكىزىپ, دي­زاينەرلىك الەم, ءسان ءۇيى جانە اتاق­تى فۋتبولشىعا شاپان تىگۋدىڭ قيىندىعى مەن قىزىعى تۋرالى سۇراقتارىن قويدى. 

گۇلايىم شىنتەمىرقىزى, «ەگەمەن قازاقستان»

ماڭعىستاۋ وبلىسى