پارلامەنت سەناتىنىڭ دەپۋتاتى, ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ حاتشىسى سارسەنباي ەڭسەگەنوۆ ەلىمىزدىڭ ايماقتارعا جۇمىس بابىنداعى ساپارىندا اتىراۋ وبلىسىنداعى قۇرمانعازى اۋدانىنىڭ اسان اۋىلدىق وكرۋگىندە, ۇشتاعان اۋىلىندا اۋىلدىق كلۋبىندا تۇرعىندارمەن كەزدەسۋ وتكىزىپ, مەملەكەت باسشىسىنىڭ بەس الەۋمەتتىك باستاماسىنىڭ ماڭىزىن جان-جاقتى ءتۇسىندىردى.
حالىقتىڭ الەۋمەتتىك جاعدايىن جاقسارتۋدى كوزدەيتىن قۇجاتتا ءاربىر وتباسىنا باسپانا الۋداعى جاڭا مۇمكىندىكتەر اشىلىپ, جوعارى ءبىلىم الۋ, شاعىن نەسيە بەرۋ, ەڭبەكاقى مەن سالىق سالاسىنداعى جاڭالىقتار تۋرالى ايتىلدى.
سەناتور ەلىمىزدىڭ ايماقتارعا جۇمىس ساپارى اياسىندا اتىراۋ وبلىسىنىڭ قۇرمانعازى اۋدانىنا قاراستى ازعىر وڭىرىندە «7-ءشى رازەزد-ۇشتاعان-اسان-ازعىر-بالقۇدىق-سۇيىندىك» وبلىستىق ماڭىزى بار اۆتوموبيل جولىنىڭ ساپاسىن دا قارادى. دەپۋتاتپەن بىرگە ەلىمىزدىڭ ينۆەستيتسيالار جانە دامۋ مينيسترلىگىنىڭ, قازاقستان جول عىلىمي-زەرتتەۋ ينستيتۋتىنىڭ, «اتىراۋجولزەرتحاناسىنىڭ», اتىراۋ وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ, سونداي-اق جەرگىلىكتى وكىلدى جانە اتقارۋشى بيلىك ورگاندارىنىڭ وكىلدەرى بولدى.
سەناتور باستاعان توپ ازعىر وڭىرىنە اپاراتىن اۆتوموبيل جولىنىڭ جاعدايىمەن جانە پايدالانۋعا جارامدى بولۋى مۇمكىن جەرگىلىكتى قۇرىلىس ماتەريالدارىنىڭ ساپاسىمەن تانىستى.