قىزىلوردا وبلىسىندا دەپۋتاتتار حالىقپەن كەزدەسۋدە

كەلەلى جيىندا ەلباسىنىڭ «الەۋمەتتىك بەس باستاماسىن» جۇزەگە اسىرۋدىڭ تەتىكتەرى تۇسىندىرىلەدى.

قر پارلامەنتى ءماجىلىسىنىڭ دەپۋتاتى كەڭەس ءابساتتاروۆ بەس باستامانىڭ بىرىنشىسىندە تۇرعىن ءۇي يپوتەكاسىنىڭ قولجەتىمدىلىگىن قامتاماسىز ەتۋ كوزدەلگەندىگىن ايتادى. «7-20-25» باعدارلاماسىندا نەسيە بويىنشا سىياقى مولشەرلەمەسى قازىرگىدەي 14-16 ەمەس, جىلىنا 7 پايىزدان جوعارى بولمايدى. ەگەر بانكتەر بۇگىندە العاشقى جارنانىڭ 30, كەيدە 50 پايىزىن تالاپ ەتسە, وسى باعدارلاما بويىنشا باستاپقى جارنا 20 پايىزدان اسپايدى. اي سايىنعى تولەمدى ازايتۋ ءۇشىن نەسيە مەرزىمى 25 جىلعا ۇزارتىلعان.

ەكىنشى باعىتتاعى سالىق كودەكسىنە ەنگىزىلەتىن وزگەرىس تابىسى از ازاماتتار ءۇشىن قولداۋ بولماق. دەپۋتاتتار بۇل جۇمىس ۇسىنىپ وتىرعان تاراپ ءۇشىن دە ءتيىمدى دەيدى.

ەلىمىزدىڭ جالپى ىشكى ءونىمنىڭ 27 پايىزىن شاعىن جانە ورتا بيزنەستەن تۇسكەن تابىس قۇرايدى. ونى ارتتىرۋ ءۇشىن ەلباسى بۇل سالانى دا بەس باسىمدىققا قوستى. ماسەلەن, جوسپار بويىنشا كاسىپكەرلىككە 30 ميليارد تەڭگە قارجى قارالعان بولسا, باعدارلاما شەڭبەرىندە قوسىمشا 13 ميلليارد 900 ميليون تەڭگە ءبولىنىپ وتىر.

بۇل قارجى شاعىن جانە ورتا كاسىپتىڭ تىنىسىن اشادى. ماجىلىسمەندەر باستاماداعى باسىمدىقتاردى وسىلايشا ءتۇسىندىرىپ ءجۇر.

باقتيار تايجان,

«ەگەمەن قازاقستان»

قىزىلوردا وبلىسى