اقمولالىق بالۋاندار العاش رەت قازاق كۇرەسىنەن قازاقستان چەمپيوناتىندا توپجاردى. ەكى التىن جانە كۇمىس مەدالدى يەلەنگەن سپورتشىلار وسىلايشا كوپتەن كۇتكەن جەڭىسكە جەتتى. 600 بالۋان قاتىسقان پاۆلودارداعى جارىس تارتىستى ءوتتى.
قازاق كۇرەسىنەن وتكەن ەل بىرىنشىلىگىندە 2003-2004 جىلى تۋعان جاسوسپىرىمدەر توعىز كاتەگوريا بويىنشا كۇش سىناسقانىن ايتا كەتكەن ورىندى. بوزكىلەم ۇستىندەگى بەلدەسۋ قارا كۇش عانا ەمەس, ايلا-تاسىلدەردى شەبەر قولدانۋدى دا قاجەت ەتەدى. كەز كەلگەن قاتەلىك جەڭىلىسكە الىپ كەلۋى مۇمكىن. وسىنداي جاعدايدا جاۋاپكەرشىلىكتى سەزىنگەن سپورتشىلار شالىس باسپاۋعا تىرىستى. تارتىستى وتكەن بەلدەسۋدە +73 كيلو سالماقتا ونەر كورسەتكەن تسەلينوگراد اۋدانىنىڭ بالۋانى باۋحان داستان چەمپيون اتاندى.
سونداي-اق ەرەيمەنتاۋ اۋدانىنىڭ سپورتشىسى ولجاس ەرەنعايىپوۆ 50 كيلوعا دەيىنگى سالماقتا بەلدەسىپ, قارسىلاستارىن تىزە بۇكتىردى. ال كۇمىس وسى اۋداننىڭ تاعى ءبىر سپورتشىسى, 42 كيلو سالماقتا كۇرەسكەن ايبەك جۇماعۇلوۆقا بۇيىردى. ءسويتىپ جەڭىمپازدار قازاقستان رەسپۋبليكاسىنىڭ سپورت شەبەرى كانديداتتىعىنا قاجەتتى نورماتيۆتەردى ورىندادى. ناتيجەسىندە, اقمولالىق سپورتشىلار جالپىكوماندالىق ەسەپ بويىنشا ءبىرىنشى ورىنعا تابان تىرەدى.
اسقار تۇراپباي ۇلى,
«ەگەمەن قازاقستان»
اقمولا وبلىسى