مەملەكەتتىڭ دامۋى تەك ەكونوميكالىق كورسەتكىشتەرمەن عانا شەكتەلمەيتىنى بەلگىلى. حالىقتىڭ الەۋمەتتىك جاعدايىن جاقسارتۋ دا دامۋ وزەگىنىڭ ءبىرى بولعاندىقتان, ەلباسى الەۋمەتتىك سالاداعى ساياساتتى دا ساليقالى جۇرگىزىپ وتىر.
حالىقتىڭ تۇرمىس جاعدايىن جاقسارتۋ, ولاردىڭ ءومىر ءسۇرۋ دەڭگەيىن تۇراقتى تۇردە ارتتىرۋ ارقىلى ەلىمىزدىڭ الەۋمەتتىك ساياساتىن جەتىلدىرۋدى كوزدەگەن مەملەكەت باسشىسى بەس الەۋمەتتىك باستاما كوتەرىپ, ونىڭ ورىندالۋىن تالاپ ەتۋدە. تاۋەلسىزدىكتىڭ العاشقى جىلدارىمەن سالىستىرعاندا ەلىمىزدىڭ ەكونوميكاسى قارىشتاپ دامىدى, قازاقستاندى الەم تانىدى. ەكونوميكانى دامىتىپ, الدىڭعى قاتارلى وتىز ەلدىڭ قاتارىنان كورىنۋ ءۇشىن اۋقىمدى, ءتيىمدى مەملەكەتتىك باعدارلامالار جۇزەگە اسىرىلدى, اسىرىلىپ تا جاتىر.
جالپىلاي العاندا, ءبىزدىڭ الەۋمەتتىك جاعدايىمىزداعى جەتكەن جەتىستىكتەر – مەملەكەتتىڭ ءار قازاقستاندىق ءۇشىن جاساپ وتىرعان قامقورلىعىنىڭ جەمىسى. جىل وتكەن سايىن تۇرمىس دەڭگەيىمىز كوتەرىلىپ, ماتەريالدىق جانە مادەني قاجەتتىلىكتەرىمىز قاناعاتتاندىرىلۋ ۇستىندە. ولاي دەيتىنىم, قانشا جەردەن ەكونوميكالىق قيىندىقتار, جاھاندىق داعدارىستار ورىن السا دا ءبىزدىڭ مەملەكەتىمىزدە الەۋمەتتىك كومەكتەر قىسقارىپ كورگەن جوق.
ء«وز ءۇيىم – ولەڭ توسەگىم» دەگەن ەمەس پە حالقىمىز؟ جاڭا وتباسىن قۇرعان جاستاردىڭ كوبىنە باسپاناسىز جۇرەتىنىنە كادىمگى ءومىردىڭ زاڭى سياقتى ەتىمىز ءولىپ بارا جاتقانداي ەدى. ءۇيى جوق بولعان سوڭ كۇيى بولماعان وتباسىلاردىڭ قيىندىققا شىداماي شاڭىراقتارى شايقالىپ جاتقانىن دا كورىپ ءجۇرمىز. الداعى ۋاقىتتا بۇل قيىندىق تا ارتتا قالاتىنىنا سەنىمدىمىن. نۇرسۇلتان نازارباەۆ وسى ۇندەۋىندە باسپانا الۋ ءۇشىن نەسيە تولەمىنىڭ كولەمى 7 پايىزعا دەيىن تومەندەتىلەتىنىن ايتتى.
ۇندەۋدە جاريا ەتىلگەن «جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋ», «شاعىن نەسيە بەرۋدى كوبەيتۋ», «ەلدى گازبەن قامتاماسىز ەتۋدى جالعاستىرۋ» سەكىلدى ماسەلەلەردىڭ كوتەرىلۋى ەلدىڭ الەۋمەتتىك جاعدايىن, ءار ادامنىڭ تۇرمىسىن كوتەرۋدە ماڭىزدى.
اسقار سۇلەيمەنوۆ,
الماتى وبلىستىق ءماسليحاتىنىڭ دەپۋتاتى