سەمەيدە ەرتىس ەرنەۋىنەن اسسا, ەندى مىنە بۇقتىرما بۇلقىنا باستادى.
وبلىستىق توتەنشە جاعدايلار دەپارتامەنتىنىڭ تاراتقان مالىمەتتەرىنە سۇيەنسەك, بۇقتىرما وزەنى ارناسىنان اسقاندىقتان زىريان اۋدانىنىڭ زۋبوۆ كەنتىندەگى بىرنەشە كوشەگە سۋ جايىلعان. قازىرگى ۋاقىتتا توقتاروۆ, بەرەگوۆايا, لازو جانە كازاچەنكو كوشەلەرىنەن ءۇيىن سۋ باسقان ادامدار قاۋىپسىز جەرگە كوشىرىلۋدە.
«ەلدى مەكەننىڭ كوشەلەرىنە كەزەكشىلىك قويىلىپ, سەرەبريانسك قالاسىنان 10 ءورت ءسوندىرۋشى كەلىپ جەتتى. ءۇيىن تاستاپ شىققاندار سانى ءالى انىقتالعان جوق. قۇتقارۋ جۇمىستارى قارقىندى ءجۇرىپ جاتىر. تاسقىننان زارداپ شەككەن تۇرعىندار مەكتەپ بازاسىندا قۇرىلعان ۋاقىتشا باسپاناعا ورنالاسۋدا. سۋ باسقان اۋماقتا جەرگىلىكتى پوليتسيانىڭ 2 ەكيپاجى مەن اكىمدىك وكىلدەرى ءجۇر. اۋداندىق اكىمدىك جۇرگىزگەن ەسەپ بويىنشا قازىردىڭ وزىندە 27 ۇيگە سۋ كىرگەن. ونىڭ تورتەۋى بوس تۇرعان ۇيلەر. سۋ العان ۇيلەردى ەسەپكە الۋ جۇمىستارى دا جالعاسۋدا», - دەلىنگەن دەپارتامەنت تاراتقان مالىمەتتە.
ازامات قاسىم, «ەگەمەن قازاقستان»
شىعىس قازاقستان وبلىسى,
زىريان اۋدانى