سەمەيدەگى ورتالىقتاندىرىلعان كىتاپحانا جۇيەسىندە ەلباسىنىڭ «رۋحاني جاڭعىرۋ» جوباسى اياسىندا اقىن, ويشىل عۇلاما ش.قۇدايبەردى ۇلىنىڭ 160 جىلدىعىنا ارنالعان «شاكارىم مۇراسى – ماڭگىلىك مۇرا» اتتى ادەبي تەلەكوپىر ءوتتى.
تەبىرەنىستى تەلەكوپىردى كىتاپحاناشى جانار سوۆەتقىزى جۇرگىزىپ وتىردى. شارا بارىسىندا مۇحتار اۋەزوۆ اتىنداعى پەداگوگيكالىق كوللەدج ستۋدەنتتەرى اقىنعا ارناعان جۇرەكجاردى ولەڭدەرىن وقىپ, دانالىق پەن جاۋاپكەرشىلىككە, ادالدىق پەن مەيىرىمدىلىككە ۇندەيتىن شاكارىم شىعارمالارىنان ءار ادام سۋسىنداپ ءوسۋى كەرەك دەگەن ويلارىن ورتاعا سالدى. پاۆلودار قالاسىنىڭ ورتالىقتاندىرىلعان كىتاپحانا جۇيەسىنىڭ قىزمەتكەرلەرىمەن بىرلەسە وتكىزىلگەن اۋقىمدى شارا كوپشىلىكتىڭ كوڭىلىنەن شىقتى.
– شاكارىم ءوزىنىڭ شىعارمالارىن ۇلى اباي ۇلگىسىن ولشەم ەتە وتىرىپ جازعان. عۇلامانىڭ شىعارمالارى بۇگىنگى تاڭدا قازاق قاۋىمىنىڭ, ادامزات بالاسىنىڭ رۋحاني قاجەتتىلىگىن وتەۋگە قىزمەت ەتىپ جاتىر. ءبىزدىڭ مۇراجاي ۇلى تۇلعالارىمىزدىڭ قارا شاڭىراعى بولىپ تابىلاتىندىقتان شاكارىمگە دەگەن قۇرمەت, قازاق حالقىنىڭ رۋحىنا, ۇلتجاندىلىعىنا دەگەن قۇرمەت دەپ بىلەمىز, – دەدى تەلەكوپىر بارىسىندا اباي قورىق مۇراجايى- نىڭ عىلىمي حاتشىسى شىنار سادىقوۆا.
راۋشان نۇعمانبەك,
جۋرناليست
سەمەي