كەشەلى بەرى استاناداعى جانە الماتىداعى رەسەي ەلشىلىگىنىڭ ماڭىندا قازاقستاندىقتار كەمەروۆوداعى ورتتەن كوز جۇمعاندارعا كوڭىل ايتىپ, گۇل شوقتارى مەن ويىنشىقتار اكەلىپ جاتىر. بۇل تۋرالى رف ەلشىلىگىنىڭ وكىلدەرى حابارلادى.
«كەمەروۆوداعى الاپات ورتتەن قايتىس بولعانداردى ەسكە الۋ ماقساتىندا رەسەي ەلشىلىگىنىڭ ماڭىنا قازاقستاندىقتار كۇنى بويى گۇلدەر مەن ويىنشىقتار اكەپ جاتىر. كوڭىل ايتقاندارىڭىز ءۇشىن العىس بىلدىرەمىز», دەپ جازدى رەسەيدىڭ قازاقستانداعى ەلشىلىگى ءوزىنىڭ فەيسبۋك پاراقشاسىندا.
ەستەرىڭىزگە سالايىق, سوڭعى اقپارات بويىنشا كەمەروۆو قالاسىنداعى ساۋدا ورتالىعىنىڭ ورتەنىپ, سالدارىنان 64 ادام باقيلىق بولدى.