وبلىس ورتالىعىنداعى №41 مەكتەپتە ناۋرىز مەيرامىنا ارنالعان رۋحاني-تانىمدىق مادەني ءىس-شارالار وتۋدە.
قازىر وقۋشىلار مەن مەكتەپ جانىنداعى دايىندىق ءبولىمىنىڭ كىشكەنتايلارى دا ناۋرىز مەيرامىن قارسى الۋعا قىزۋ دايىندالۋدا. كىتاپحاناشىلار «باق – بەرەكەم, قۇت – مەرەكەم-ءاز ناۋرىز!» اتتى كىتاپ كورمەسىن تاماشالاۋعا شاقىردى. كورمەدە «قازاق داستارحانىنىڭ ءداستۇرى», «باتا بەرۋ», «ناۋرىز», «قازاق حالقىنىڭ سالت-ءداستۇرى» اتتى جانە باسقا دا كىتاپتار ۇسىنىلعان.
قازاق ءتىلى مەن ادەبيەتى ءپانىنىڭ مۇعالىمى گۇلميرا جاقىپوۆانىڭ ايتۋىنشا, ناۋرىز مەيرامىنا ارنالعان كىتاپ كورمەسىندە وقۋشىلار ءاز-ناۋرىز, قۇت, باق-بەرەكە دەگەن سوزدەردىڭ ءمان-ماعىناسىن ءبىلىپ, تانىمدىق ساباققا قاتىستى. ءبىر-ءبىرىن ناۋرىزدا ايتىلاتىن «اق مول بولسىن!» « ۇلىس وڭ بولسىن!» قۇتتىقتاۋلارمەن قۇتتىقتادى. مەكتەپتە ءبىلىم الىپ جۇرگەن وزگە ۇلت وكىلدەرىنىڭ دە ۇل-قىزدارى وزدەرىنىڭ قازاق تىلىندە بىلەتىن ماقال-ماتەلدەرىن ايتىپ, سالت-داستۇرلەردى, مۋزىكالىق مادەنيەتتى, ناۋرىز كوجەنىڭ قالاي ازىرلەنەتىنى جايلى جارىسا ايتىپ بەردى. «ناۋرىز ايى تۋعاندا, توي بولۋشى ەدى بۇل ماڭدا...» دەپ ميلانا سۋمينا مۇقاعالي اقىننىڭ بىرنەشە ولەڭىن وقىپ بەردى. كىتاپحاناداعى «ولكە تاريحى” ءبولىمى بويىنشا, «قازاق حالقىنىڭ رۋحاني مادەنيەتى» تاقىرىبىنا وراي اڭگىمەنى مايرا مۋزەيىنىڭ مەڭگەرۋشىسى ەرلان ولجاي ۇلى جۇرگىزدى. قازاقتىڭ مۋزىكالىق اسپاپتار جايلى ايتىپ, وزىمەن بىرگە الىپ كەلگەن بىرنەشە اسپاپتا ويناپ بەردى.
وقۋشىلار اسىعا كۇتىپ جۇرگەن قۋانىشتى ءسات بار. ول – مەكتەپتە وتكەن «بالالاردىڭ 100 ءانى» اتتى ءان بايقاۋىنىڭ قورىتىندىسى –22 كۇنى – ناۋرىز مەيرامىندا بەلگىلى بولىپ, جەڭىمپازدار دا انىقتالادى.
فاريدا بىقاي, «ەگەمەن قازاقستان»