ۇكىمەت قاۋلىسىمەن تالعات ءىلياس ۇلى ەشەنقۇلوۆ ۋاقىتشا, ەلميرا امانگەلدىقىزى سۋحانبەرديەۆانىڭ بالا كۇتىمىنە بايلانىستى دەمالىسقا شىعۋى كەزەڭىندە ءبىلىم جانە عىلىم ۆيتسە-ءمينيسترى بولىپ تاعايىندالدى. بۇل تۋرالى primeminister.kz حابارلادى.
تالعات ەشەنقۇلوۆ 1978 جىلى جامبىل وبلىسىندا دۇنيەگە كەلگەن.
1999 جىلى م. ح. دۋلاتي اتىنداعى تاراز مەملەكەتتىك ۋنيۆەرسيتەتىن, 2000 جىلى — «قاينار» ۋنيۆەرسيتەتىن, 2010 جىلى — پرەزيدەنت جانىنداعى مەملەكەتتىك باسقارۋ اكادەمياسىن تامامداعان.
ەكونوميست, زاڭگەر, مەملەكەتتىك جانە جەرگىلىكتى باسقارۋ ماگيسترى, مەملەكەتتىك جانە جەرگىلىكتى باسقارۋ باعىتى بويىنشا دوكتور (PhD) بىلىكتىلىگىنە يە. قازاق, ورىس, اعىلشىن تىلدەرىندە سويلەيدى.
ەڭبەك جولىن 1997 جىلى جامبىل وبلىسىنىڭ تاراز قالاسىنداعى «الما» اق-دا باستاعان, جامبىل وبلىسى ادىلەت باسقارماسىندا, قارجى مينيسترلىگىندە, ءبىلىم جانە عىلىم مينيسترلىگىندە, جوعارعى كەڭەستە, قورشاعان ورتانى قورعاۋ مينيسترلىگىندە, ەسەپ كوميتەتىندە ءتۇرلى لاۋازىمداردى اتقارعان.
تاعايىندالعانعا دەيىن ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى باقىلاۋ كوميتەتى توراعاسىنىڭ ورىنباسارى قىزمەتىن اتقارعان.