قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا ينۆەستيتسيالار جانە دامۋ ءمينيسترى جەڭىس قاسىمبەك پرەزيدەنتتىڭ بەس الەۋمەتتىك باستاماسىن ىسكە اسىرۋ جونىندەگى جول كارتاسىنىڭ ءوزىنىڭ باعىتتارىنا قاتىستى شارالارى تۋرالى باياندادى. بۇل تۋرالى primeminister.kz حابارلادى.
سپيكەردىڭ ايتۋىنشا, ءساۋىر ايىندا «نۇرلى جەر» باعدارلاماسىنا وزگەرىستەر ەنگىزىلەدى. ولار تۇرعىن ءۇي قۇرىلىسىنىڭ كولەمىن ۇلعايتۋ نورمالارى مەن «تۇرعىن ءۇي قۇرىلىس جيناق بانكىنىڭ» تۇرعىن ءۇي زايمدارىن بەرۋ پارامەترلەرىن قايتا قاراۋدى قاراستىرادى.
سونداي-اق, جەكە قۇرىلىس سالۋشىلارعا ارنالعان قۇرىلىس الاڭدارىن دايىنداۋ ءۇشىن تۇرعىن ۇيگە قاتىستى ينجەنەرلىك كوممۋنيكاتسيالاردىڭ قۇرىلىسىن قارجىلاندىرۋدى جىل سايىن 80 ملرد تەڭگەدەن 100 ملرد تەڭگەگە دەيىن ارتتىرۋدى قاراستىرۋ ۇسىنىلادى.
مينيسترلىك پرەزيدەنتتىڭ «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ» ءۇشىنشى باستاماسى بويىنشا جول كارتاسىنىڭ قوسىمشا ورىنداۋشىسى.
ء«بىز 2015 جىلى بەس كليماتتىق شاعىن اۋدان بويىنشا 5, 7 جانە 9 قاباتتى جاتاقحانالاردىڭ 104, 184 جانە 244 ورىنعا ارنالعان تيپتىك جوبالارىن ازىرلەدىك», — دەدى ج. قاسىمبەك.
ءمينيستردىڭ ايتۋىنشا, جوبالاردا ءبىر ورىندى جانە ەكى ورىندى بولمەلەر قاراستىرىلعان. ءبىر شارشى مەترىنىڭ قۇنى 138,4 مىڭ تەڭگەدەن 150,9 مىڭ تەڭگەگە دەيىن بولادى. ءبىلىم جانە عىلىم مينيسترلىگىنە قاجەتتى قۇجاتتار ۇسىنىلادى.
قر يدم-گە جول كارتاسىندا «ەلدى گازبەن قامتاماسىز ەتۋدى جالعاستىرۋ» بەسىنشى باستاماسى بويىنشا «سارىارقا» ماگيسترالدى گاز قۇبىرىنىڭ ءبىرىنشى كەزەڭىنىڭ قۇرىلىسىنا شىلدەدە جسق مەملەكەتتىك ساراپتاما قورىتىندىسىن بەرۋ تارماعى جۇكتەلدى.
«جالپى, جوبالىق-سمەتالىق قۇجاتتاما بەلگىلەنگەن مەرزىمنەن بۇرىن ەنگىزىلسە, تەز ارادا قاراپ, ءتيىستى قورىتىندىسىن شىعارۋعا دايىنبىز», — دەپ تۇيىندەدى ج. قاسىمبەك.