اياگوز اۋداندىق توتەنشە جاعدايلار ءبولىمىنىڭ باسشىسى جانات قاليەۆتىڭ ايتۋىنشا, اياگوزدەگى سۋ كىرگەن ۇيلەر سانى - 148, 8 ءۇي مۇلدە جارامسىز بولىپ قالسا, 10 ءۇي اپاتتى دەپ تانىلعان.
قازىرگى ۋاقىتتا اۋدان اكىمدىگى جانىنان قۇرىلعان 4 توپ شىعىن كولەمىن انىقتاپ جاتىر.
وبلىس اكىمى سۋ باسقان ۇيلەردىڭ تۇرعىندارىمەن كەزدەستى. شىعىس قازاقستان وبلىسىنىڭ اكىمى دانيال احمەتوۆ ءدال قازىر اياگوزدەگى سۋ باسقان ۇيلەردى ارالاپ, تۇرعىندارمەن كەزدەسىپ, پىكىرلەرىن تىڭداپ جاتىر.
ايماق باسشىسى تۇرعىندارعا بىردە-ءبىر ادام نازاردان تىس قالمايتىنىن, ارنايى كوميسسيا 10 كۇن ىشىندە ءتيىستى شەشىم شىعاراتىنىن, باسپاناسى جارامسىز بولعاندارعا قالادا سالىنىپ جاتقان 60 پاتەرلى ۇيدەن ءۇي بەرىلەتىنىن نەمەسە جاڭادان ءۇي سالىناتىنىن جەتكىزدى. سونىمەن قاتار, اياگوزگە ەرتەڭ 50 ميلليون تەڭگە بولىنەتىنىن دە ءمالىم ەتتى. دانيال احمەتوۆتىڭ ايتۋىنشا, بۇل قارجى اياگوزدەگى تاسقىننان زارداپ شەككەن تۇرعىنداردىڭ كۇندەلىكتى قاجەتىنە جۇمسالادى.
ازامات قاسىم, "ەگەمەن قازاقستان"
شىعىس قازاقستان وبلىسى, اياگوز اۋدانى