SpaceX 2019 جىلى مارسقا تەست رەجىمىندە راكەتا ۇشىرۋدى جوسپارلاپ وتىرعانىن حابارلادى. بۇل تۋرالى يلون ماسك South by Southwest (SXSW) تەحنولوگيا جانە مادەنيەت فەستيۆالىندە ايتتى, دەپ جازادى CNN.
ء«بىز قازىر پلانەتاارالىق كەمە قۇراستىرىپ جاتىرمىز. كەلەسى جىلدىڭ باسىندا بەلگىلى ءبىر قاشىقتىققا ۇشىرۋدى باستاي الامىز دەپ ويلايمىن. بىراق مەن ايتقان ۋاقىت كەيدە وزگەرىپ وتىراتىنىن بىلەسىزدەر», — دەدى ماسك. ول ءوز سوزىندە Starlink جاھاندىق ينتەرنەتتىڭ ىسكە قوسۋ ۋاقىتىنىڭ بىرنەشە رەت شەگەرىلگەنىن ەسكە الدى.
BFR (Big Falcon Rocket) راكەتا جۇيەسى بىرنەشە رەت ۇشىرۋعا جارامدى. ياعني, ونى ۇشىرۋ Falcon 1 راكەتاسىنا قاراعاندا ارزانعا شىعادى. ماسكتىڭ ايتۋىنشا, BFR ارقىلى نيۋ-يوركتەن شانحايعا جارتى ساعاتتا جەتۋگە بولادى.
بىلتىر ماسك BFR مارسقا 2022 جىلى ۇشاتىنىن ايتقان بولاتىن. الدىمەن راكەتامەن 150 توننا جۇك جىبەرىلەدى, ودان كەيىن ادامداردى تاسىمالداۋعا مۇمكىندىك تۋماق.