ەۋرازيالىق توپ «تۋعان جەر» باعدارلاماسىن تۇلەتەدى

قوستاناي, پاۆلودار, اقتوبە جانە قاراعاندى وبلىس­تا­رى – قازاقستانداعى ەڭ ءىرى حول­دي­نگ­تەردىڭ ءبىرى ەۋرازيالىق توپ قىز­مەت ەتەتىن وڭىرلەر. جىل سايىن وسى وبلىستاردى دامىتۋ ءۇشىن ERG ميللياردتاعان تەڭگە بولە­دى. سوڭعى بەس جىلدا ERG قازاق­ستان­دا قايىرىمدىلىق پەن دە­مەۋ­شى­لىككە 71 ميلليارد تەڭگە جۇم­سا­دى. دە­گەنمەن, «تۋعان جەر» باع­دار­لاماسى تەك دەمەۋشىلىك كومەك­پەن عانا شەكتەلىپ قويمايدى, ونىڭ اۋقىمى الدەقايدا كەڭ.

باعدارلاما اياسىندا كومپانيا قىزمەت ەتەتىن ايماقتاردا الەۋ­مەت­تىك ماڭىزى بار جوبالاردىڭ دامۋىنا قولداۋ كورسەتەدى ءارى ىنتالاندىرادى. بيىل اقتوبە, قوستاناي جانە پاۆلودار وبلىستارىنىڭ باسشى­لارىمەن مەموراندۋمدارعا قول قويىلدى جانە ولاردىڭ ارقايسىسى قولداۋدىڭ ماڭىزدى باعىتتارىن ايقىندادى.

ماڭىزى ەرەكشە جول

اقتوبە وبلىسىندا 2018 جىلى ERG تاراپىنان الەۋ­مەت­تىك ماڭىزدى جوبالاردى قار­جى­لان­دىرۋ كولەمى وتكەن جىلمەن سالىس­تىر­­عاندا 2 ەسە دەرلىك ارتىپ, 2 ملرد تەڭگەنى قۇرايدى. ايماقتىق, ءتىپ­تى رەسپۋبليكالىق ماڭىزى بار اۋقىمدى جوبالاردىڭ ءبىرى – جىڭىش­كە ستانساسىنىڭ ماڭىنداعى جول تو­رابىنىڭ قۇرىلىسى.

– ءتورتىنشى بالقىتۋ تسەحىنىڭ, جاڭا زاۋىتتىڭ قۇرىلىسىنا جانە ءون­دىرىس كولەمىنىڭ ۇلعايۋىنا بايلانىستى زاۋىتتا تەمىر جولداردى كەڭەيتۋ جوباسى بولدى. سايكەسىنشە ەسكى زاۋىتتا 5 شاقىرىم تەمىر جول سالىنعان ەدى. جىڭىشكە ستانساسىنان قابىلداۋ-جونەلتۋ جولى بىرەۋ عانا بولعاندىقتان, جۇمىستى جىلدامداتۋ ءۇشىن ەكىنشى جول سالۋ تۋرالى شەشىم قابىلداندى», – دەدى تەمىر جول تسەحىنىڭ باستىعى نۇربولات احمەتوۆ, – سونداي-اق جۇمىستى جەدەلدەتۋ ءۇشىن, كەيىنىرەك وبلىس باس­شىلىعى تەمىر جول ارقىلى جول وتكەلدەرىن سالۋ تۋرالى شەشىم قا­بىل­دادى, ول ءبىزدى جىڭىشكە ستانساسىمەن بايلا­نىستىرادى. بۇل جول وتكەلدەرى اقتوبە فەرروقورىتپا زاۋىتى مەن جىڭىشكە ستانساسى اراسىنداعى تەحنولوگيالىق ۇدەرىستى جەدەلدەتۋدى قامتاماسىز ەتەدى.

كوپتەگەن پىكىرتالاستار مەن جوس­­پار­لاردان كەيىن, ERG قارجى­لاي قولداۋ­ىنىڭ ارقاسىندا 2017 جىل­دىڭ كوكتەمىندە جول وتكەل­دە­رىنىڭ قۇرىلىسى باستالدى. جوبانى اعىمداعى جىلى اياقتاۋ جوسپارلانۋدا.

– جول وتكەلى باسىپ وتەتىن تاس جول – حالىقارالىق ماڭىزى بار با­عىت. ال وسى جول وتكەلىنىڭ سالى­نۋى كولىكتەردىڭ جولدان ءوتۋىن جە­­ڭىل­دەتەدى. بۇل وتكەلدە ەندى­گارى كەپ­­تە­لىس بولمايدى, سەبە­بى كو­لىكتەر اعى­نى ۇلكەن جانە جى­ڭىش­كە ستانساسىن­دا ۆاگونداردى شى­عار­عان كەزدە وت­­كەل جابىلادى – دە­گەن نۇربولات احمەتوۆ اقتوبە قالا­سىنىڭ تۇر­عى­نى رەتىندە قۋا­نىشىن جاسىرمادى.

بۇدان بولەك, بيىل ERG قار­جىسىنا حرومتاۋداعى ورتالىق ستاديونعا كۇردەلى جوندەۋ جۇر­گى­زىلەدى. ەۋرازيالىق توپتىڭ رەسۋ­رس­تارىنا سالىنعان ستاديون جانە ساۋ­ىقتىرۋ-دەنە شىنىقتىرۋ كەشەنى بۇكىل قالانىڭ سالاماتتى ءومىر سالتىن قالىپ­تاس­تىرۋ ورتالىعىنا اينالدى. حرومتاۋ جاستارى ەندى كافەلەردە ۋاقىت وتكىزۋدىڭ ورنىنا, ترەناجەر زالىنا بارۋدى ءجون سانايدى.

– ستاديون قالانىڭ جۇرەگى ءتا­رىز­دى, كەشقۇرىم كوپتەگەن قارا­پاي­ىم ادامدار, سپورتشىلار جينا­لا­دى. مەنىڭ ويىمشا بۇل ىستە ەۋرا­زيالىق توپ كوپ ەڭبەك ءسىڭىردى. اشىل­عانىنا بيىل 17 جىل تولاتىن ساۋىقتىرۋ كەشەنىنە شىنىندا دا جاستار وتە كوپ كەلەدى. ادامدار مۇندا سپورتزالعا بارىپ, باسسەي­ن­گە تۇسەدى. ساۋىقتىرۋ-دەنە شى­نىق­تى­رۋ كەشەنىنە حرومتاۋ قالاسىنىڭ بارلىق تۇرعىندارى كەلە الادى, با­لا­لارعا اقىسىز, ءدوڭ تكبك قىز­مەت­كەرلەرى ءۇشىن بارلىعى تە­گىن, – دەپ سدش ادىسكەرى ەلەنا ميت­رو­فا­نوۆا ءوز جەرلەستەرىنىڭ قۋا­نى­شىمەن ءبولىستى.

سونداي-اق ءدوڭ تكبك, اقتوبە جانە حرومتاۋداعى مادەنيەت ۇي­لە­رىن, سپورتتىق جانە ساۋىقتىرۋ كە­شەندەرىن, مادەنيەت نىساندا­رى مەن اي­ماقتاعى باسقا دا ماڭىزدى جوبالاردى ماماندارمەن قامتاماسىز ەتۋشى حرومتاۋ كەن تەحنيكالىق كوللە­دجىنە قولداۋ كورسەتۋ ءداستۇرىن ەۋ­را­زيالىق توپ جال­عاس­تىرۋدا. اق­توبەدە جاياۋ جۇرگىن­شىلەر جول­دارى مەن كولىك جولدارىنا اسفالت تو­سەۋ, اۋلالاردى اباتتاندىرۋ, سپورت­تىق جانە ويىن الاڭدارىن ور­ناتۋ جانە حرومتاۋداعى ورتالىق ساياباقتى قاي­تا سالۋ ءۇشىن بيىل قاراجات بو­لىنەدى.

– ءبىزدىڭ قىزمەتكەرلەرىمىزدىڭ باس­­تاماسى بويىنشا اقتوبە وبلى­سى­نىڭ تۇرعىندارىنا جاي­لى جاع­داي جاساۋعا جانە ومىر­لە­رىن جاق­سار­تۋعا باعىتتالعان كوپ­تەگەن جو­بالار م­ەموراندۋمعا ەنگى­ز­ىلگە­نى­نە وتە قۋانىش­تى­مىز. ويت­كە­نى ولار وسىندا تۇرادى جانە اق­تو­بە مەن حرومتاۋعا ءوز تۋعان جە­رى رەتىندە قاراي­دى, – دەپ اتاپ ءوت­تى ERG ديرەكتورلار كەڭەسىنىڭ تور­اعا­سى الەكساندر ماشكەۆيچ.

كەشەگىگە قۇرمەت, كەلەشەككە قامقورلىق

پاۆلودار ءتۇستى مەتاللۋرگيا كوللە­دجىنىڭ ستۋدەنتتەرى وقۋ جى­لىن قۋانىشتى وقيعا­مەن باستادى. ستۋ­دەنتتەر ەۋرازيالىق توپتىڭ قا­تى­سۋىمەن سالىنعان جاڭا جاتاق­حاناعا قونىستاندى.

بالقىتىلعان تۇزدار ەلەكترو­لي­زىنىڭ بولاشاق مامانى, 3-كۋرس ستۋ­دەنتى ەستان نۇرجانوۆ پاۆ­لو­دار­عا شارباقتى اۋدانىنان كە­لىپ­تى.

– ەكى جىلدان بەرى پاتەر جالداپ تۇرۋىما تۋرا كەلگەن ەدى, سول سەبەپتى جاتاقحانا سالىنعانىنا وتە قۋانىشتىمىن. تۇرمىسقا وتە قولايلى, جايلى, ىڭعايلى. قازىرگى ۋاقىتتا دۋالدى وقىتۋ اياسىندا قازاقستان ەلەكتروليز زاۋىتىندا تەحن­ولوگيالىق تاجى­ري­بەدەن ءوتىپ ءجۇر­مىن, وندا ماعان 50 مىڭ تەڭگە جالاقى تولەيدى. ديپلوم العاننان كەي­ىن زاۋىتتا جۇمىسقا قالۋدى ماق­سات ەتىپ وتىرمىن, – دەپ ومىرلىك جوس­پارىمەن ءبولىس­تى ەستان.

اكىمدىكپەن اراداعى مەمو­ران­دۋم اياسىندا 2018 جىل­عى قار­جى­لان­دىرۋ ءۇي شارۋا­شى­­­لىق­تارىن جاق­سارتۋعا جانە ينفرا­قۇ­رى­لىمدى دا­مىتۋعا جۇمسالادى, مىسالى, ءبى­لىم بەرۋ مەن سپورت ۇيىمدارىن, مە­دي­تسي­نا­لىق مەكەمەلەردى, مادەني نى­ساندار­دى كۇر­­دەلى جوندەۋ جانە جاب­دىقتاۋعا باعىتت­ا­لادى.

– ء«تورتىنشى ونەركاسىپتىك رەۆوليۋتسيا جاعدايىندا دامۋدىڭ جاڭا مۇم­كىندىكتەرى» اتتى جولداۋىندا ەلباسى مەملەكەت پەن  جەكەمەنشىك سە­رىكتەستىگى نەگىزىندە تۇرعىن ءۇي-كوم­مۋنالدىق ينفراقۇرىلىمدى جاڭ­­عىرتۋ ماسەلەلەرىن بەلسەندى تۇر­دە شەشۋ قاجەتتىگىن اتاپ ءوتتى. ەۋرازيالىق توپ ERG كاسىپ­ورىن­دا­رى ورنالاسقان ايماقتاردىڭ اكىمدىكتەرىمەن بىرگە وسى باعىتتا تىعىز جۇمىس ىستەپ كەلەدى, – دەپ اتاپ كورسەتتى ERG ديرەكتورلار كە­ڭە­سىنىڭ توراعاسى ERG  الەكساندر ماشكەۆيچ.

ۇزاق مەرزىمدى سەرىكتەستىك ارقاسىندا جەرگىلىكتى اكىمدىكتەر مەن ەۋرازيالىق توپ بىرلەسە وتىرىپ رەسۋرستاردى ءتيىمدى جانە تۇر­عىن­دارعا بارىنشا ۇتىمدى پايدالانۋدى ۇيرەندى. ارينە, ءبىرىنشى كەزەكتە جاستار – وبلىستىڭ بولاشاعى جا­نە قارتتار مەن مۇگەدەكتەر – حا­لىق­تىڭ الەۋمەتتىك ءالسىز توپتارىنا قامقورلىق كورسەتۋ تۇر.

پاۆلودار قالاسىنىڭ قوعامدىق كەڭەسى­نىڭ حاتشىسى تەلمان ايتقازين كوپ ۋاقىتىن ەۋرازيالىق توپ ساتىپ الىپ, پاۆلودار وبلىسىنا سىيعا تارتقان قارتتار مەن زاعيپ جانداردى وڭالتۋعا ارنالعان «ارداگەرلەر ۇيىندە» وتكىزەدى.

– پاۆلودار وبلىسىنىڭ اكىمى بولات باقاۋوۆقا اعا ۇرپاققا قام­قور­لىق پەن كوڭىل بولگەنى ءۇشىن شى­نايى العىسىمىزدى بىلدىرەمىز. ERG جاڭا عيماراتتى ساتىپ ال­عان­نان كەيىن وبلىس اكىمى وسى عي­ماراتتى جوندەۋگە قوسىمشا قارا­جات تاپتى. بىزدە قوسىمشا سۋ پرو­تسە­­دۋرالارى, سونداي-اق ۇزاق ۋاقىت بويى ارمانداعان ءماجىلىس زالى دا پايدا بولدى, بارلىعى 2018 جىلدىڭ ناۋرىزىندا جۇمىس ىستەي باستادى. بۇل مۇگەدەكتەرگە جانە جىل سايىنعى ساۋىقتىرۋدان وتەتىن زەينەتكەرلەرگە زور قولداۋ, – دەيدى تەلمان ايتقازى ۇلى.

ەۋرازيالىق توپ پاۆلودار وبلى­سىنىڭ دامۋىنا 2018 جىلى رەكوردتىق 3,7 ملرد تەڭگە بولە­دى. بۇل قاراجات پاۆلودار ترام­ۆاي باسقارماسىنا قولداۋ كور­سە­تۋگە, اقسۋ قالاسىنداعى ورتا­لىق جاعالاۋدى قايتا قۇرۋدى جال­عاس­تى­رۋعا جانە پاۆلودارداعى مۇزايدى­نىنا جۇمسالادى. ءداستۇرلى تۇر­دە ايماقتاعى فۋتبول جانە ۆو­لەي­بولدى دامىتۋعا, سونداي-اق ERG قىزمەتكەرلەرى ءۇشىن جول قۇ­رى­لىسى, ينفراقۇرىلىم, اۋرۋحا­نا­­لاردى جوندەۋ, مەكتەپتەردى قار­جى­لاندىرۋ, بالاباقشالار مەن ويىن الاڭ­دارىن ورناتۋ, باسقا دا سپورتتىق نىساندار سياقتى ماڭىزدى جوبالارعا قارجىلىق قولداۋ كورسەتىلەدى.

ادامدار مەن تەحنولوگيالاردى وركەندەتۋ

باقىتتى جۇمىسشى – ءتيىمدى جۇمىسشى. ەۋرازيالىق توپتىڭ باس­شىلىعى وسى قاعيدانى ۇس­تانا وتىرىپ قىزمەتكەرلەرىنىڭ قا­جەت­تىلىكتەرىن قامتاماسىز ەتەدى. حول­دينگ سپورت, دەمالىس جانە ما­دەني دامۋ ءۇشىن جاعداي جاساۋ جاق­سى ەكەنىن بىلەدى, بىراق ءبارىنىڭ باس­تى جانە نەگىزگى قاجەتتىلىگى – باس­پاناسىنىڭ بولۋى.  قوستاناي وبلىسىنىڭ رۋدنىي قالاسىندا 2017 جىلى «سسكوب» اق-تىڭ ونداعان قىزمەتكەرلەرى قونىس تويىن تويلادى.

سولاردىڭ ءبىرى – «سسكوب» اق جول شارۋاشىلىعى جانە قۇ­رى­لىستار باسقار­ماسىنىڭ دوب كەڭەيتىلگەن ۋچاس­كەسىنىڭ بايلانىس شەبەرى نۇرلان دۇي­سەم­باەۆ. ونىڭ باستى ارمانى 2017 جىل­دىڭ قىر­كۇيەگىندە ورىندالدى – وتباسىمەن جاڭا 3 بولمەلى پاتەرگە كوشىپ, وزدەرىنىڭ 75 شارشى مەتر­لەرىنە يە بولدى. 

– جۇبايىم ەكەۋمىز سىيلىققا ريزامىز, ءبىز اتا-انامىزبەن بىرگە تۇراتىن ەدىك. جاڭا ۇيگە كوشكەننەن كەيىن ءوزىمىزدىڭ جايلى «ۇيامىزدى» ءوز بەتىمىزشە جابدىقتاي باستادىق. العاش رەت جاڭا 2018 جىلدى ءوز پاتە­رىمىزدە قارسى الدىق. بۇل قاي­ى­رىمدى باستامانى, ياعني ءۇي قۇرى­لى­سىن ەۋرازيالىق توپ جۇزەگە اسى­ر­دى. پاتەرلەر ۇلكەن, كەڭ جانە ىڭعايلى, ءارى ءۇيدىڭ سىرتقى كورىنىسى مەن اباتتاندىرىلۋى دا تاماشا. اۋلاداعى بالالارعا ارنالعان الاڭقاي مەن سپورت الاڭدارى بالالار مەن انالارى ءۇشىن سۇيىكتى دەمالىس ورنىنا اينالدى, – دەپ قۋانىشىمەن ءبولىستى نۇرلان.

ERG قوستاناي وبلىسىنىڭ دامۋىنا ءاردايىم ەرەكشە كوڭىل بو­لەدى, مۇندا ERG كاسىپورىندارى – «سسكوب» اق جانە «قازاقستان ءاليۋ­مينيى» اق ءوندىرىس ورىندا­رى ورنالاسقان. وبلىستىڭ ما­ڭىز­دى الەۋمەتتىك جوبالارىنا 2018 جىلدىڭ مەموراندۋمىنا ساي­كەس اي­ماقتىڭ الەۋمەتتىك-ەكو­نو­مي­كا­لىق دامۋىنا جانە ونىڭ ين­فرا­قۇرىلىمىنا 2,6 ملرد تەڭگەدەن اس­تام قارجى جۇمسالادى.

بيىل ERG II يننوۆاتورلار فو­رۋ­مىنىڭ اياسىندا قىزمەتكەرلەر كو­تەرگەن قالاداعى تۇيتكىلدى ماسە­لە­لەردى شەشۋ جوبالارى ىسكە اسىرىلاتىن بولادى. وسى 2018 جىلعى مەموراندۋمدا رۋدنىيداعى قالدىق سۋ­دى تازارتۋ قوندىرعىسىنان شى­عا­تىن جاعىمسىز ءيىستى تسەوليت ارق­ىلى بەيتاراپتاندىرۋ, «يننو­ۆا­تسيا­لىق اۋلا» جانە «زەڭگىر جا­عا­لاۋ» قالالىق جاعاجايدى ابات­تان­دى­رۋ  جوبالارى كىردى.

– ەۋرازيالىق توپتىڭ كاسىپ­ورىن­­دارى ءبىزدىڭ قالا­لا­رىمىزدىڭ تۇر­عىندارىنا بۇرىننان كوممۋ­نال­­دىق قىزمەت كورسەتەدى, – دەپ اتاپ ءوتتى ERG S.a.r.l. باس اتقارۋشى دي­رەك­توردىڭ ءبىرىنشى ورىنباسارى الديار قازتاەۆ. – بۇل كوممۋ­نال­دىق تولەمدەردىڭ ءبىر بولىگى عا­نا ەكەنىن تۇسىنەمىز, بىراق بىزگە قا­تىستى كوممۋنالدىق شوتتار تۇتى­نۋ­شىلارعا اۋىرتپالىق جۇكتەمەۋى ءۇشىن بارىمىزدى سالامىز.

ونىڭ ايتۋىنشا ERG كاسىپ­ورىن­دارىنىڭ كوممۋنالدىق قىز­مە­ت­تەر كورسەتۋىنىڭ تاريحي تۇر­عى­دان العاندا قارجىلاي شى­عى­نى كوپ. تەك سوڭعى 4 جىلدا 6 ميللياردتان استام تەڭگەنى قۇراعان شىعىنداردى تاريفتەردىڭ بىرنەشە مارتە وسۋىنە جول بەرمەۋ ءۇشىن كاسىپورىندار «وزدەرىنە الىپ» وتىر. بۇدان بولەك, ەۋرازيالىق توپ ەكىنشى جىل قاتارىنان رۋد­نىي قالاسى مەن قاشار اۋىلىن ورتا­لىقتاندىرىلعان جىلۋمەن قام­تاماسىز ەتتى. سسكوب 2018 جىل ىشىن­دە ءوز قاراجاتىنان 800 ملن تەڭ­گەنى رۋدنىي جانە قاشار ەلدى مە­كەن­دەرىنىڭ تۇتىنۋشىلارىنا جى­لۋ ەنەرگياسىن ءوندىرۋ, بەرۋ جا­نە جەتكىزۋ قىزمەتتەرىن ۇزدىكسىز جا­نە جوعارى ساپالى قامتاماسىز ەتۋگە جۇمسادى, ءارى ول سومانى تاريفتەر ارقىلى قايتارىپ المايدى.

ايتپاقشى, بۇگىنگى كۇنى قاشار – ERG كاسىپورىندارىنىڭ وزىندىك «يننو­ۆاتسيالىق ورتالىعى». «سسكوب» اق قاشار كەنىشىن با­س­قارۋ بازاسىندا «اقىلدى كارەر» جۇ­مىس ىستەيدى.

– «اقىلدى كارەردى» ىسكە قوسۋ – بۇل تەحنولوگيالىق پروتسەستى ازايتۋ جانە وڭتايلاندىرۋ ەسەبىنەن شى­عىنداردى ازايتۋ جانە كەن تەح­نيك­اسىنىڭ ونىمدىلىگىن 10 پايىزعا ارتتىرۋ قۇرالى. بۇل تەك ونلاين  رە­جىمىندەگى سۋرەتتەر عانا ەمەس, قىز­مەتكەرلەردىڭ جۇمىسىن رەتتەۋ بويىنشا نەگىزدى, ءارى دۇرىس شەشىم قابىلداۋعا مۇمكىندىك بەرەتىن تسيفرلى كورسەتكىشتەر, – دەيدى «سسكوب» اق قاشار كب كاسىپورنى ءوندىرىس ديرەكتورىنىڭ ورىنباسارى قىزمەتىن اتقارۋشى الەكساندر مالتسەۆ.

اقىلدى جۇيە اۆتوتۇسىرگىلەر, ەكسكاۆا­تور­لار جانە باسقا دا جىلجىمالى نىسان­دار­دىڭ جۇمىسىنا قاشىقتان دياگنوستيكا جاسايدى, سودان كەيىن ءبولىمنىڭ تەحنيكالىق قىز­مەتتەرىن كارەردەگى بارلىق جاب­دىقتاردىڭ جۇمىس ىستەۋى تۋرالى مالىمەتتەردى ۋاقىتىن­دا تالداي الا­دى جانە قاجەت بولعان جاعدايدا اۋىس­­تىرادى. قاشار الاڭىنان كەي­ىن جۇيە سوكولوۆ-سارىباي جانە قور­جىنكول كارەر­لە­رىن قامتيدى.

قوستاناي وبلىسى اكىمدىگىمەن اراداعى مەموراندۋمدار شەڭ­بە­رىن­دە تۇتاستاي العاندا, ەۋرازيالىق توپ وسى جىلدارى شامامەن 6 ملرد تەڭگە ينۆەستيتسيا سالدى. بۇل قوس­تاناي مەن رۋدنىيداعى ۇيلەردى جون­دەۋ, ليساكوۆتەگى كوشەلەردى ابات­تاندىرۋ, قوستاناي وبلىسىنىڭ وكتيابر اۋىلىندا بالالار ويىن الاڭىن ورناتۋ, اۋرۋحانالارعا ارنال­عان جابدىقتار ساتىپ الۋ, وبلىستىڭ مەك­تەپتەرى مەن مادەنيەت ۇيلەرىن جوندەۋ سياقتى الەۋمەتتىك جوبالار.

كوپتەگەن جىلدار بويى ەۋرا­زيالىق توپ ءۇشىن ءوز قىز­مەت­كەر­لەرىنىڭ تۋعان جەرلەرىنە قول­داۋ كورسەتۋ ەڭ ماڭىزدى باسىم با­عىت بولىپ كەلەدى. كومپانيا  باس­شى­لىعى تۇرعىنداردىڭ ءومىر ءسۇرۋ جاع­دايىنا ەرەكشە كوڭىل ءبولۋ – قىزمەت ەتۋ ايماقتارىنداعى تۇراق­تىلىق پەن قىز­­مەت­كەرلەر كوڭى­لىنىڭ جايلىلىعى ار­قىلى قايتىپ كەلەتىن ەڭ ءتيىمدى ينۆەس­تي­تسيالاردىڭ ءبىرى دەپ سەنەدى.

سەيفوللا شايىنعازى, «ەگەمەن قازاقستان»