«قازپوشتانىڭ» وتكەن جىلعى جۇمىسى قورىتىندىلاندى

«پوشتانى تاسىمالداۋعا ار­نالعان اۆتوكولىكتەردەن باسقا 37 پوش­تالىق ۆاگونىمىز بار. وعان قوسا شالعايداعى اۋىلدارعا پوش­تانى 2 كيلوعا دەيىن كوتەرەتىن دروندارمەن جەتكىزۋدى قولعا الدىق. بىلتىردان بەرى 1,5 توننا حات-حابارلار جەتكىزدىك. قازىر ءبىز 4 كيلو كوتەرەتىن درونداردى سىناقتان وتكىزىپ جاتىرمىز. كومپانيامىزعا وتكەن جىل كوپ­تەگەن جاڭا جەتىستىكتەر اكەلدى. 2017 جىلى كومپانيانىڭ جالپى كىرىسى 49,2 ملرد تەڭگەنى قۇرادى, 2016 جىلمەن سالىستىرعاندا كىرىس­تەر 18 پايىزعا ارتتى. ەلەك­ترون­دى ساۋدانىڭ جانە تسيفر­­لى تەح­نولوگيالاردىڭ دامۋى, نارىق­­­تاعى باسەكەلەستىكتىڭ جوعا­رى­­لاۋى قازپوشتانىڭ جۇمىس ىستەۋ پرو­تسەستەرىن تۇبەگەيلى وز­گەرت­­تى. ەندى ءبىز ساپاعا باعىت­تال­عان وزىق تەحنولوگيالاردى قول­دانا­تىن بولدىق. 2017 جىلى ءبىز 138 ميلليون گازەت پەن جۋرنال­دى جەتكىزدىك. اۋدان­دارعا ولاردىڭ 93 پايىزى ءبىر كۇن­نىڭ ىشىندە جەت­كى­زىلەدى. بىل­تىر 17 ملن-نان استام سالەمدەمە جەتكىزسەك, ولار­دىڭ 11 ملن-ى حالىقارا­لىق سالەم­دە­مە­لەر. قازاقستان بويىن­شا سالەم­دە­مەلەردى جەتكىزۋ مەرزىمى 16 كۇن­نەن 6 كۇنگە دەيىن قىسقار­دى. سالەم­دەمەلەر 35 باعىت بويىن­شا كۇنبە-كۇن جەت­كىزىلەدى. شەتەل­دەن كەلەتىن سالەمدەمەلەردى جەتكىزۋ مەرزىمى 45 كۇننەن 25 كۇنگە دەيىن قىسقار­تىلدى», دەدى باسقارما توراعاسى.

سونىمەن قاتار ول بىلتىر ىسكە قوسقان اۆتوماتتاندىرىلعان سۇرىپتاۋ ماشيناسى ونىمدىلىكتى 10 ەسە وسىرگەنىن, ەندى تاۋلىگىنە 10 مىڭ ەمەس, 120 مىڭ سالەمدەمەنى وڭدەپ پوشتا بولىمشەلەرىنە جىبە­رەتىندەرىن جەتكىزدى.

«سامۇرىق-قازىنا» قورى­نىڭ ترانسفورماتسيالاۋ باع­دار­لاماسىن جۇزەگە اسىرۋ ماق­سا­تىندا 140 پوشتا بولىمشەسى جاڭعىرتىلدى. وندا ەلەكتروندى كەزەك, بەينەباقىلاۋ كامەرالارى, سالەمدەمەلەر سۋپەرماركەتتەرى مەن پوشتاماتتار ورناتىلدى. سونىمەن قاتار بىلتىر شاعىن ينتەرنەت-ماگازيندەر مەن نارىقتا ساۋدا جۇرگىزەتىن ساتۋشىلار ءۇشىن E-commerce ورتالىعىن اشتىق. بۇل – ينتەرنەت-دۇكەندەرگە قىز­مەت كورسەتۋگە ارنالعان بولىمشە. قازىر ورتالىقتا 40-تان استام ين­تەرنەت دۇكەنگە قىزمەت كور­سەتىلەدى. بيىلدان باستاپ مۇن­دا ينتەرنەت-دۇكەندەر ءۇشىن ترە­نينگ­تەر مەن سەمينارلار وتكىزىلەدى. مىسالى, بايلانىس ورتالىعىن اۋتسورسينگكە بەرگەن سوڭ قونىراۋ شالۋ دەڭگەيى 68 پايىزدان 97 پايىزعا دەيىن ارتتى. سونداي-اق كونتاكت-ورتالىعىنا ارنالعان جابدىقتى ساتىپ الۋعا كۇردەلى شىعىنداردىڭ قاجەتتىلىگى جويىلدى. ورتا ەسەپپەن بۇل قىزمەتتىڭ شىعىندارى جىلىنا 21,6 پا­يىز تومەندەيدى دەپ جوسپارلاپ وتىرمىز. 300 جاڭا بانكومات, 120 تەرمينال جانە ەلىمىزدىڭ اۋەجايلارىندا ورنالاسقان سوت قارىزىن وتەۋ فۋنكتسياسى بار 11 تەرمينال ور­ناتىلدى. بۇگىنگى تاڭدا بولىم­شەلەرىمىزدە 101 سالەم­دەمە سۋپەر­ماركەتى جانە 151 پوش­تامات جۇمىس ىستەيدى», دەدى ول.

«قازپوشتا» اق باسقارما توراعاسى ساكەن سارسەنوۆ مەملە­كەت باسشىسىنىڭ جالاقىلارى تومەن ازاماتتاردىڭ سالىق اۋىرت­­پالىعىن تومەندەتۋگە باعىت­­تالعان باستامالارىن قولداپ, بيىل 9 مىڭعا جۋىق جۇمىس­شىنىڭ تابىس سالىعىن 10 ەسەگە تومەندەتۋدى كوزدەپ وتىرعانىن اتاپ ءوتىپ, وعان قوسا وندىرىستىك پەرسونالدىڭ جالاقىسىن بيىل تاعى 15 پايىزعا كوتەرگەندىكتەرىن العا تارتتى.

راۋان قايدار, «ەگەمەن قازاقستان»