ەلباسى تاراپىنان ۇسىنىلعان بەس الەۋمەتتىك باستاما, جالپى العاندا, ول حالىقتىڭ ەڭ ناشار قورعالعان توپتارىنىڭ ماسەلەلەرىن شەشۋگە باعىتتالعان. شىن مانىندە, بۇل قازىرگى كەزدە شىنىمەن قاجەتتى جانە ۋاقتىلى بولىپ تۇر.
باسقاشا ايتقاندا, اتالعان ماسەلەلەر جاي عانا مەملەكەتتىڭ الەۋمەتتىك جاۋاپكەرشىلىگىنىڭ بەينەسى مەن مىندەتتەردىڭ اعىمدىق ورىندالۋى ەمەس, بۇل ءدال قازىر ادامدارعا قاجەت بولىپ تۇرعان جاعداياتتار.
مەملەكەت باسشىسىنىڭ الەۋمەتتىك باستامالارى جاستار ساياساتىن ناقتى ىسكە اسىرۋدىڭ تەڭدەسسىز شارالارى ەكەنىن اتاپ وتكەن ءجون.
جەكەلەي العاندا, جاس وتباسىلاردى قولداۋ ءۇشىن ساپالى جاڭا الەۋمەتتىك يپوتەكا ۇسىنىلدى. ورتاشا ستاتيستيكالىق تۇرعىننىڭ قارجىلىق جۇكتەمەسى مەن شىنايى مۇمكىندىكتەرى تۇرعىسىنان قاراعاندا, «7 – 20 – 25» باعدارلاماسى بارىنشا يكەمدى تەتىك. مۇنداي امالمەن ءبىر ۋاقىتتا بىرنەشە ماسەلەنى شەشۋگە بولادى.
ءبىرىنشىسى – بانك سەكتورىن قولداۋ جانە جانداندىرۋ. تۇپتەپ كەلگەندە, قازاقستانداعى يپوتەكالىق نەسيەلەندىرۋدىڭ ارزانداۋ باعىتىنا قاراي وزگەرۋىنىڭ باستاماسى قالانۋدا. ياعني پايىزداردىڭ تومەندىگى مەن زاەمداردىڭ ۇزاق مەرزىمدىلىگى. وسى كۇنگە دەيىن وسىنداي ارتىقشىلىققا يە بولعان تەك مەملەكەتتىك تۇرعىن ءۇي قۇرىلىس جيناق بانك ەدى. بىراق مۇنىڭ ءوز شارتتارى بار ەكەنىن ەسكەرۋ قاجەت, ونىڭ نەگىزىندە ء«وزارا جاردەمدەسۋ كاسساسى» قاعيداسى جاتىر.
ەندى ارزان يپوتەكا بەرۋگە ەكىنشى دەڭگەيلى بانكتەر دە قوسىلا باستايدى.
ەكىنشىدەن, بارلىق تۇرعىن ءۇي قۇرىلىس نارىعى جاندانادى. ءبىرىنشى كەزەكتە مۇندا مەملەكەت تاراپىنان وسى سالاداعى جۇمىس ورنىنىڭ قىسقارۋىن بولدىرماۋعا تالپىنىس جاسالۋى وتە ماڭىزدى بولىپ تۇر. وسى الەۋمەتتىك تاۋەكەلدەر تاياۋ جىلداردا ءوز ناتيجەلەرىن كورسەتەتىن بولادى.
سونىمەن قاتار تۇرعىن ءۇي قۇرىلىسىمەن بىرگە ءتۇرلى سالالىق وندىرىستەر دە داميدى. بۇل ءوز كەزەگىندە جاستار ءۇشىن جاڭا جۇمىس ورىندارىنىڭ اشىلۋىنا مۇمكىندىك بەرەدى.
ورازعالي سەلتەەۆ, الەمدىك ەكونوميكا جانە ساياسات ينستيتۋتىنىڭ (اەسي) جەتەكشى ساراپشىسى