كۇنى كەشە عانا ەلباسىمىز مەملەكەتتىك ءتىلدىڭ قولدانۋ اياسىن كەڭەيتۋ ماقساتىندا: «پارلامەنت پەن ۇكىمەتتىڭ جۇمىسى مەملەكەتتىك تىلدە جۇرگىزىلۋى ءتيىس» دەپ تايعا تاڭبا باسقانداي ناقتى تاپسىرما بەردى. بۇل تاۋەلسىزدىگى شيرەك عاسىردان اسقان قازاق ەلى ءۇشىن وتە ورىندى جانە دەر كەزىندە بەرگەن تاپسىرما.
ءبىز, ماجىلىستەگى «اق جول» پارتياسى فراكتسياسىنىڭ مۇشەلەرى ەلباسىنىڭ بۇل تاپسىرماسىن تولىق جانە قىزۋ قولداي وتىرىپ, ونى جۇزەگە اسىرۋعا اتسالىسۋعا دايىندىعىمىزدى بىلدىرەمىز. 2012 جىلى پارلامەنتتە «اق جول» قدپ-نىڭ تۇڭعىش رەت پارلامەنتتىك فراكتسياسى قۇرىلعاننان كەيىن, ءبىزدىڭ ەڭ العاشقى دايىنداعان زاڭ جوبامىز مەملەكەتتىك ءتىلدىڭ قولدانۋ سالاسىن كەڭەيتۋ تۋرالى ەدى.
بىراق ءبىز ونى ۇسىنعان كەزدە, ۇكىمەتتىڭ ۆەدومستۆوارالىق كوميسسياسى جوبانى قولداۋدان باس تارتىپ, ىسكە اسىرۋعا جول بەرمەدى. مۇمكىن ۇكىمەت ول كەزدە وسىنداي ارەكەت ءالى ەرتە دەپ ساناعان شىعار.
ال بۇگىندە ەلباسىمىزىڭ ءوزى مۇنداي باستاماعا ۇيىتقى بولعاندىقتان, ماسەلەنى كەيىنگە قالدىرۋعا بولمايدى. ءبىزدىڭ ويىمىزشا, قازىرگى كەزدە قوعامدا بۇل ماسەلە ءپىسىپ-جەتىلىپ, شەشىمىن كۇتۋدە. بۇگىندە مەكتەپ قابىرعاسىنداعى وقۋشىلاردىڭ 80 پايىزى قازاق تىلىندە ءبىلىم الىپ جاتقانى, ياعني ءبىزدىڭ بولاشاعىمىز, XXI عاسىرداعى ءومىرىمىز دە وسى قازاق تىلىمەن تىعىز بايلانىستى ەكەنى, ءتىپتى قازاق ءتىلىنسىز دامۋ مۇمكىن ەمەس ەكەنى بارشامىزعا بەلگىلى. سول سەبەپتى «اق جول» قدپ بيزنەس پارتيا- سى رەتىندە بۇل يگى باستامانى تەك سايا- سات پەن مەملەكەتتىك قىزمەت اياسىندا عانا ەمەس, جالپى ەكونوميكالىق نەگىزدە دە قولداۋدى قالايمىز. مەملەكەتتىك تىلىمىزگە ەكونوميكادا سۇرانىس تۋىپ, انا ءتىلىمىز عىلىم مەن تەحنولوگيا تىلىنە اينالاتىن بولسا, ءتىلىمىزدىڭ بولاشاعى دا سەنىمدى بولار ەدى.
ەلباسىنىڭ ناقتى تاپسىرمالارىن قۇپتاي وتىرىپ, ونى كەلەسى ۇسىنىستار- مەن تولىقتىرۋدى ءوتىنىپ ءبىز ۇكىمەت باسشىسى ب.ساعىنتاەۆتىڭ اتىنا دەپۋتاتتىق ساۋال جولدادىق:
1. قازىر قازاق تىلىنەن ەمتيحاندى تەك پرەزيدەنتتىككە ۇمىتكەرلەر عانا تاپسىرادى. ءبىزدىڭ ويىمىزشا, مەملەكەتتىك ءتىلدى مىندەتتى تۇردە يگەرۋگە ءتيىستى لاۋازىمدى شەنەۋنىكتەردىڭ ءتىزىمىن بۇدان دا كەڭەيتۋدى قاراستىرۋ كەرەك.
2. قوعامدىق ءومىردىڭ ءارتۇرلى سالالارىندا مەملەكەتتىك ءتىلدىڭ قولدانىلۋ اياسىن كەڭەيتۋ, سونداي-اق حالىقارالىق كومپانيالاردى قازاقستاندىق كادر- لارمەن قامتۋدى ۇلعايتۋ ماقساتىندا الەۋەتتى ينۆەستورلارعا ينۆەستيتسيالىق پرەفەرەنتسيالار بەرگەندە, جەر قويناۋىن پايدالانۋعا قۇقىق الۋعا كەلىسىمشارتتاردا كونستيتۋتسيالىق نورمالارعا سايكەس مەملەكەتتىك ءتىلدى مىندەتتى تۇردە پايدالانۋ تالابىن بەلگىلەۋ كەرەك.
وسىنداي كوزقاراستى ءوزىنىڭ مۇناي-گاز سالاسىن دامىتۋدا الەمگە ۇلگى بولىپ وتىرعان نورۆەگيا ەلى دە ۇستانىپ وتىر. ولاردىڭ «مۇناي تۋرالى» زاڭنىڭ 6 جانە 37-باپتارىندا بىلاي دەلىنگەن: «مۇنايعا قاتىستى قىزمەتتە مۇمكىندىگىنشە نورۆەگ ءتىلى باسىم پايدالانىلۋعا ءتيىس. باسقا تىلدەر قاجەتتى نەمەسە اقىلعا قونىمدى بولعان جاعدايدا پايدالانىلۋى مۇمكىن».
ءبىز بۇل مىسالدى ءتىلدىڭ دامۋى مەن دارەجەسىندە ەكونوميكانىڭ ورنى ەرەكشە ەكەنىن كورسەتۋ ءۇشىن كەلتىرىپ وتىرمىز. ەلباسىنىڭ وسى تاعدىرشەشتى تاپسىرمالارى قوعامدا قىزۋ تالقىلانىپ, قولداۋعا يە بولۋدا. «اق جول» قدپ فراكتسياسى ەلباسىنىڭ قازاق ءتىلى تۋرالى بەرىلگەن تاپسىرماسىن ناقتى ورىنداۋ ماقساتىندا, جوعارىدا ايتىلعان ۇسىنىستار تۋرالى زاڭ جوباسىن دايىنداۋعا شاقىرادى.
بەرىك دۇيسەنبينوۆ,
ءماجىلىس دەپۋتاتى