Eurasian Resources Group S.a.r.l. كومپانيالار توبى الەۋمەتتىك جاۋاپكەرشىلىك شەڭبەرىندە اقتوبە وبلىسىندا بىرقاتار الەۋمەتتىك جوبالاردى ىسكە اسىرۋعا جالپى كولەمى 2 ملرد. تەڭگە بولەدى.
اتاپ ايتقاندا, بولىنگەن قاراجات حرومتاۋ قالاسىنداعى ورتالىق ستاديوننىڭ كۇردەلى جوندەۋىنە, اقتوبەدەگى جەڭىل اتلەتيكالىق الاڭنىڭ قۇرىلىسىنا, ەكى سپورتتىق-ساۋىقتىرۋ كەشەنىنە, الەۋمەتتىك جانە ءبىلىم بەرۋ مەكەمەلەرىن قارجىلاندىرۋعا جانە ينفراقۇرىلىمدى جانە باسقا دا جوبالاردى ىسكە اسىرۋعا باعىتتالاتىن بولادى.
ءتيىستى قۇجاتقا 3 ناۋرىز, سەنبى كۇنى اقتوبە قالاسىندا «قازحروم» تۇك ەڭبەك ۇجىمىمەن وتكەن كەزدەسۋ بارىسىندا وبلىس اكىمى بەردىبەك ساپارباەۆ پەن ERG توبى اتقارۋشى باس ديرەكتورىنىڭ ءبىرىنشى ورىنباسارى الديار قازتاەۆ ءتيىستى مەموراندۋمعا قول قويدى. مەموراندۋمنىڭ جالپى سوماسى 6,5 ملرد تەڭگەنى قۇرايدى.
وتىرىستى اشقان بەردىبەك ساپارباەۆ وبلىستىڭ 2017 جىلعى الەۋمەتتىك-ەكونوميكالىق دامۋ قورىتىندىلارى تۋرالى قاتىسۋشىلارعا قىسقاشا بايانداپ ءوتتى. ايماق باسشىسى پرەزيدەنت پەن ۇكىمەتتىڭ قولداۋىنىڭ ارقاسىندا مەملەكەتتىك باعدارلامالاردى ىسكە اسىرۋ بويىنشا ەسەپتى كەزەڭ ىشىندە ەكونوميكالىق ءوسىم 5%-كە وسكەنىن اتاپ ءوتتى.
ول سونداي-اق, ەۋرازيالىق توپتىڭ ديرەكتورلار كەڭەسىنىڭ توراعاسى الەكساندر ماشكەۆيچكە ءوڭىردىڭ دامۋىنا قوسقان ۇلەسى ءۇشىن العىس ايتتى.
- «قازحروم» تۇك» اق فلاگمان بولىپ تابىلادى جانە ءبىزدىڭ وبلىستىڭ ەكونوميكاسى ءۇشىن ماڭىزى زور. بۇل كەزدەسۋدىڭ ماقساتى – كومپانيانىڭ 2017 جىلى اتقارعان قىزمەتىنىڭ ناتيجەسىن قاراۋ جانە بيىلعى مىندەتتەردى انىقتاۋ. اقتوبە فەرروقورىتپا زاۋىتى مەن ءدوڭ كەن بايىتۋ كومبيناتىندا 12 مىڭعا جۋىق ادام ەڭبەك ەتەدى. بارلىق اقتوبەلىكتەردىڭ اتىنان كومپانيا باسشىلارىنا, قۇرىلتايشىلارعا كومەكتەرى مەن قولداۋلارى ءۇشىن العىس ايتامىن: وتكەن جىلى جۇمىسشىلاردى قىسقارتۋ,ەڭبەكاقى مەن سالىقتار بويىنشا قارىزدار بولعان جوق. بۇدان باسقا, كومپانيانىڭ ارقاسىندا شىعارماشىلىق اكادەمياسى اشىلدى. بۇگىندە 5 مىڭعا تارتا بالا ءتۇرلى ۇيىرمەلەر مەن سەكتسيالارعا قاتىسىپ ءجۇر,-دەدى بەردىبەك ساپارباەۆ.
ءوز كەزەگىندە, الەكساندر ماشكەۆيچ كومپانيانىڭ الەۋمەتتىك جاۋاپكەرشىلىگى اياسىندا وبلىس اكىمدىگىمەن ىنتىماقتاستىقتى ودان ءارى جالعاستىرۋ نيەتىن راستادى.
- ءبىز مەملەكەت باسشىسىنىڭ الەۋمەتتىك جاۋاپكەرشىلىك تۋرالى تاپسىرماسىن قالاي ورىنداعانىمىزدى ماقتان تۇتا الامىز. مەنىڭشە ERG كومپانياسى بۇل باعىتتا تەك قازاقستاندا عانا ەمەس, سونىمەن قاتار بۇكىل الەم بويىنشا دا كوش باسىندا تۇر. ءبىز شىعارماشىلىق اكادەمياسىندا بولىپ, سوندا وقىپ جاتقان بالالاردى, ولاردىڭ جانارلارىن, بال-بۇل جانعان جۇزدەرىن كوردىك. ارينە, كەيبىرەۋلەر ءۇشىن بۇل اقىلعا سىيمايتىن شىعار, بىراق دەمەۋشىلىك ۇلكەن قۋانىش اكەلەدى», - دەدى ول.
سونىمەن قاتار, ا.ماشكەۆيچ تە وبلىس باسشىلىعىنا بەلسەندى ۇستانىمى ءۇشىن العىس ايتتى.
- ءسىز ءبىزدى الەمدىك دەڭگەيدەگى جاڭا الەۋمەتتىك جوبالاردى ىسكە اسىرۋعا ىنتالاندىرىپ قانا قويماي, سونىمەن بىرگە وزدەرىڭىز دە قولدان كەلگەننىڭ بارلىعىن جاساپ, ولاردى ىسكە اسىرۋعا ۇلكەن ۇلەس قوساسىز», - دەدى ول.
سونداي-اق, كەزدەسۋ اياسىندا وبلىس اكىمدىگى, «قازحروم» تۇك» اق جانە كاسىپوداقتاردىڭ اۋماقتىق بىرلەستىكتەرى اراسىنداعى ىنتىماقتاستىق تۋرالى ۇشجاقتى مەموراندۋمعا قول قويىلدى. قۇجاتتا ءوندىرىس كولەمىن ارتتىرۋ, قوسىمشا قاراجات تارتۋ, وندىرىستىك پروتسەسستەردى جاڭعىرتۋ جانە تسيفرلاندىرۋ, ەڭبەكاقىنى ۋاقىتىندا تولەۋ جانە جۇمىسشىلار الدىنداعى وزگە دە الەۋمەتتىك مىندەتتەردى ورىنداۋ ماسەلەلەرى بويىنشا وزاراتۇسىنىسۋشىلىك قاراستىرىلعان.
شارا سوڭىندا ب.ساپارباەۆ پەن ا.ماشكەۆيچ قىز-كەلىنشەكتەردى كەلە جاتقان حالىقارالىق ايەلدەر كۇنىمەن قۇتتىقتاپ, كومپانيانىڭ نازىك جاندى قىزمەتكەرلەرىنە العىس حاتتار مەن باعالى سىيلىقتار تاپسىردى.