«الەۋمەتتىك مەديتسينالىق ساقتاندىرۋ» جوباسىنىڭ رەسمي ىسكە قوسىلۋ شاراسى ءوتتى

شارادا دەنساۋلىق ساقتاۋ ءمينيسترى ەلجان ءبىرتانوۆ پەن دۇنيەجۇزىلىك بانكتىڭ قا­زاق­ستان­داعى تۇراقتى وكىلى اتو براۋن ءسوز سويلەدى.

ە.ءبىرتانوۆ ءوز سوزىندە اتاپ وت­كەن­دەي, دەنساۋلىق ساقتاۋدىڭ قىز­مەت كورسەتۋ جۇيەسىندەگى تيىم­دىلى­گىن ارتتىرۋعا باعىتتالعان اتال­مىش جوبا قازاقستاننىڭ دەن­ساۋلىق ساقتاۋ سالاسىندا جاسا­لىپ جاتقان جۇيەلى جانە ينس­­تي­تۋت­تىق وزگەرىستەردىڭ جال­عا­سى.

دەنساۋلىق ساقتاۋ ءمي­نيس­ترى جاڭا جوباداعى باسىم مىن­دەت­تەردىڭ قاتارىندا ءمامس-پەن (مىندەتتى الەۋمەتتىك مەدي­تسي­نالىق ساقتاندىرۋ) قاتار بىرىڭ­عاي دەنساۋلىق ساقتاۋ ينفرا­قۇرىلىمى جوسپارىن جۇزەگە اسىرۋدى, قوعامدىق دەنساۋلىق ساقتاۋ قىزمەتىنىڭ قالىپتاسۋىنا كومەكتەسۋدى, مەديتسينالىق-سانيتارلىق العاشقى كومەكتى كۇشەيتۋدى, جەدەل مەديتسينالىق جاردەم, مەديتسينالىق ءبىلىم بە­رۋدى, دەنساۋلىق ساقتاۋ سالاسىن تسيفرلاندىرۋدى جەتىلدىرۋ بار ەكەنىن اتاپ ءوتتى.

«دەنساۋلىقتى الەۋمەتتىك ساق­تاندىرۋ جوباسى قازاقستان ۇكى­مەتىنە مەديتسينالىق قىزمەت­تەردىڭ قولجەتىمدىلىگىن, ساپاسى مەن  تيىمدىلىگىن ارتتىرۋعا جانە دەنساۋلىعى ناشار ادامدار ءۇشىن قارجىلىق تاۋەكەلدەرىن ازايتۋعا قولداۋ كورسەتۋگە باعىتتالعان», دەدى اتو براۋن. ول ءوز سوزىندە اتاپ وتكەندەي, مۇنداي ءىرى رەفورمالار باسقا سەكتورلاردىڭ قاتىسۋىنسىز ءساتتى جۇزەگە اس­پايدى, سوندىقتان باسقا دا مي­نيس­تر­ل­ىكتەر مەن ازاماتتاردىڭ قول­داۋى قاجەت.

وسىلايشا, الەۋمەتتىك مەدي­تسينالىق ساقتاندىرۋدىڭ ۇلت­تىق جۇيەسىن نىعايتۋ بويىنشا ءبىرىنشى كومپونەنت اياسىندا مەديتسينالىق ساقتاندىرۋ قو­رى­نا كىرىستى بولجاۋ مەن تاۋە­كەل­دى باسقارۋدا, تاريف سايا­سا­تىن جەتىلدىرۋدە, تمككم (تە­گىن مەديتسينالىق كومەكتىڭ كە­پىل­دىك بەرىلگەن كولەمى) جانە مەديتسينالىق كومەكتىڭ ساق­تان­دىرۋ پاكەتىنىڭ مولشەرىن, اق­پاراتتىق جۇيەلەردى بىرىكتىرۋ جانە كورسەتىلگەن مەديتسينالىق قىزمەتتەردىڭ ساپاسى مەن كولەمىن باقىلاۋ تەتىكتەرىن ەنگىزۋدە قولداۋ كورسەتۋ جوسپارلانۋدا.

ەكىنشى كومپونەنت قوعام­دىق دەنساۋلىق ساقتاۋ قىز­مە­تىنىڭ (قدق) قالىپتاسۋىنا كومەك­تە­سۋدى, قولدانىستاعى ەمحا­نا­لار نەگىزىندە 16 الدىڭعى قاتار­لى ورتالىق قۇرۋ مەن جاب­دىق­­تاۋدى جانە مەديتسي­نالىق ال­عاش­قى كومەك ماماندارىن حالىق­ارالىق تالاپتارعا ساي­كەس وقى­تۋدى كوزدەيدى. سون­داي-اق جوبا قورىنىڭ ەسەبى­نەن ستا­تسيونارلىق جانە امبۋ­لا­تور­لىق-ەم­حانالىق قىزمەت­تى رەس­ترۋك­تۋريزاتسيالاۋ, مەدي­تسي­نا­لىق ۇيىم­داردى (ستاتسيو­نار­لار­دىڭ قا­بىلداۋ بولىمدەرى, ەم­حانالار) كلينيكالىق حات­تا­مالار­دىڭ ۇسىنىستارىنا ساي مەدي­تسينالىق قۇرىلعىلارمەن جانە مەديتسينالىق ماقساتتاعى بۇيىمدارمەن قايتا جابدىقتاۋ جوسپارلانۋدا. 

جوبا مىندەتتەرىنىڭ ءبىرى – قا­زاق­ستان­نىڭ بارلىق وڭىر­لەرى­نە سىر­قاتتى باسقارۋ باعدار­لا­ما­سىن (سبب) ەنگىزۋ, سونىمەن قاتار سبب ەمدەلۋشىلەرىن قا­دا­عالاۋ بويىنشا 200 ەمحانانى مە­ديتسينالىق جانە زەرتحانالىق قۇرىلعىلارمەن جابدىقتاۋ بولماق.

شەتەل مەديتسينالىق جو­عارى وقۋ ورىندارى جانە كول­لەدج­­دەرىمەن ستراتەگيالىق ارىپتەس­تىك­تىڭ ەسەبىنەن سالانىڭ كادر­لىق الەۋەتىن كۇشەيتۋ ما­سە­لەسىن شەشۋ جوسپارلانۋدا. مۇندا ەڭ نەگىزگى جاڭالىق – ۋنيۆەرسيتەتتىك ەم­حانانىڭ جاڭا ۇلگىسى مەن بار­لىق دەڭگەيلى ءبىلىم بەرۋ باعدار­لاماسىن قالىپتاستىرۋ, دالىرەك ايتقاندا, مەيىرگەر ءىسى ماماندارىن دايىنداۋ بويىنشا جانە باكالاۆر مەن ماگيستراتۋرانىڭ قوس ديپلومدى قازاق-فين ۇلگىسىن ەنگىزۋ.  

سونىمەن قاتار مەدي­تسي­نالىق سالا ماماندارىن بىرىڭ­عاي ەسەپكە الۋ ماقساتىندا ما­ماندارعا دەگەن قاجەتتىلىكتى انىق­تاپ قانا قوي­ماي, ۇزاق مەر­ز­ىمدى كەلەشەگىن بول­جاۋ ءۇشىن دەنساۋلىق ساقتاۋ قىز­مەت­كەر­لەرىنىڭ كاسىبي تىركە­لىمىن جاساۋ جوسپارلانۋدا.  

وسىلايشا, جوبانى جۇزەگە اسى­رۋ ناتيجەسىندە ءۇي شارۋا­شى­­لىقتارىنىڭ مەديتسينالىق قىز­مەت ءۇشىن جەكە تولەمدەرىنىڭ ۇلەسىن ازايتۋ, مەديتسينالىق كو­مەك پاكەتىنىڭ ناقتى قۇرامىن انىق­تاۋ, العاشقى ءبولىم ءوسىمى بو­يىنشا ستاتسيونارلى قىزمەتتىڭ شەك­تەن تىس قولدانىسىن قىسقار­تۋ, حالىقتى الدىن الۋ شارالا­رى مەن سىرقاتتىڭ باستاپقى بەل­گىلەرىن انىقتاۋعا تارتۋ ناتي­جە­لەرى كۇتىلۋدە.

قىمبات توقتامۇرات, «ەگەمەن قازاقستان»