ەلىمىز تۇرعىندارىنىڭ دەنساۋلىعى ءۇشىن تەمىر جەتىسپەۋشىلىك جاعدايىنىڭ الدىن الۋ جانە ونى بولدىرماۋ ءۇشىن «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قر زاڭىندا وتاندىق ءونىم وندىرۋشىلەر مەن ءونىم ۇسىنۋشىلارعا تەك عانا بايىتىلعان (فورتيفيكاتسيالانعان) ۇندى ساتۋعا مىندەتتەيتىن نورمالار بەكىتىلگەن.
وبلىستا 2017 جىلى باقىلاۋدا تۇرعان 54 ۇن وندىرەتىن كاسىپورىنداردىڭ 23 عانا ءبىرىنشى جانە جوعارى سۇرىپتاردى بايىتقان. سونىمەن قاتار وتكەن جىلى قوستاناي قالاسى بويىنشا دەپارتامەنتتىڭ باقىلاۋىنداعى 28 ديىرمەننىڭ تەك 8-ءى عانا ۇندى قاجەتتى ەلەمەنتتەرمەن بايىتقان. مۇنداي كورىنىس تەك قوستاناي قالاسىندا عانا ەمەس, وبلىستىڭ تاران, قوستاناي, جىتىقارا اۋداندارىندا جانە رۋدنىي مەن ارقالىق قالالارىنداعى ديىرمەندەردە ورىن العان.
جالپى وبلىس بويىنشا بازارلار مەن دۇكەندەردە بايىتىلماعان ۇن دا ساتىلا بەرەدى. ناۋبايحانالاردىڭ 80 پايىزى نان ونىمدەرىن وندىرۋدە جەرگىلىكتى وندىرۋشىلەردىڭ بايىتىلماعان ۇنىن پايدالانادى.
ءنازيرا جارىمبەت
«ەگەمەن قازاقستان»
قوستاناي