ءالىپبيدىڭ تاعدىرىنا ەشكىم بەيجاي قاراي المايدى. ونى زەرتتەۋ دە بۇگىن باستالعان جوق. تامىرى تەرەڭ تاريح بەتتەرىن پاراقتاساق, بۇرىن لاتىن قارپى قولدانىلعانىن ايقىن اڭعارۋعا بولادى. ەگەمەندىك الىپ, ەتەك-جەڭىمىزدى جيعاننان بەرى وسىناۋ ماڭىزدى ماسەلە ءبىراز ايتىلىپ كەلەدى. وعان كوشكەن كورشىلەس, تۇركىلەس ەلدەردىڭ تاجىريبەسى زەردەلەندى.
جاقىندا لاتىن گرافيكاسىنا نەگىزدەلگەن قازاق ءتىلى ءالىپبيىنىڭ نۇسقاسى رەسمي تۇردە بەكىتىلدى. بۇعان دەيىن بۇل ماسەلە ماماندار مەن جۇرتشىلىق اراسىندا بىرنەشە مارتە تالقىعا ءتۇستى. ارينە باستاپقىدا حالىق تاراپىنان ديگرافتارعا قاتىستى سىن-پىكىرلەر كوپتەپ ايتىلدى. ويتكەنى قانداي ءالىپبي بولسا دا, اۋەلى دىبىستىق جۇيەمىزگە ساي كەلۋى ءتيىس. سودان كەيىن نوقاتپەن بەرىلگەن نۇسقا دا كوپ تالقىلاندى. الەۋمەتتىك جەلىلەردە دە قوعام اشىق تۇردە ءوز پىكىرىن ءبىلدىرىپ, كەيبىر كەمشىلىكتەرگە قاتىستى ورامدى ويلارىن دالەلدەدى. ال ەلباسى جارلىعىمەن بەكىتىلگەن لاتىن قارىپتەرى ەداۋىر جونگە كەلتىرىلىپ, قولدانىسقا ىڭعايلانعانىن اتاپ ايتقان ءجون.
راس, مۇنى دا قاتىپ قالعان قاعيدا دەۋگە بولمايدى. «كوش جۇرە بارا تۇزەلەدى» دەمەكشى, الداعى ۋاقىتتا تىكەلەي قولدانىپ, سىناقتان وتكەن كەزدە دە ءبىزدىڭ ولشەمگە قانشالىقتى شاق كەلەتىندىگى انىقتالادى.
ەندىگى ماقسات – ەملە, ورفوگرافيالىق, ورفوەپيالىق ەرەجەلەرىمىزدى وتە ساۋاتتى, ءارى ساپالى ەتىپ جاساۋ. سونداي-اق باسقا تىلدەن ەنگەن كىرمە سوزدەردى, تەرميندەردى دە يكەمدەپ جازۋ مىندەتى تۇر. الەم حالقىنىڭ قولدانىسىنداعى كەيبىر سوزدەردى بار دىبىستارمەن جازىپ ۇيرەنۋىمىز كەرەك. دەمەك, ءالى دە جاسالاتىن جۇمىستار كوپ. وتكەن عاسىردىڭ سارقىنشاعى, ياعني, تىلىمىزگە ۇستەمدىككە جول بەرىلمەۋى قاجەت. ءبىز قازاق ءالىپبيىنىڭ بولاشاعى جارقىن ەكەنىنە سەنىمدىمىز.
شەرۋباي قۇرمانباي ۇلى,
تەرمينولوگ عالىم, فيلولوگيا عىلىمدارىنىڭ دوكتورى, پروفەسسور