زۋحرا, زاكرو جانە حاسان پەرزەنتحانادا قىرىق كۇن جاتىپ, جاعدايلارى وڭالعان سوڭ ۇيلەرىنە قايتتى. وڭتۇستىكتەگى بيىلعى ۇشەم قاڭتاردىڭ ورتاسىندا دۇنيەگە كەلگەن ەدى. جەتى ايلىق شاقالاقتاردىڭ سالماعى 1,5 كيلو بولعاندىقتان دارىگەرلەر باقىلاۋعا العان بولاتىن.
– وكپەسى دۇرىس دامىماي تۋعان نارەستەلەردىڭ ۇشەۋى بىردەي جاساندى تىنىس الۋ اپپاراتىنا قوسىلدى. جانساقتاۋ بولىمىندە جاتقان ۇشەمنىڭ بەتى 5 كۇن دەگەندە بەرى قاراپ, قوسىمشا ءبىر اي ارنايى كۇتىم جاسايتىن بولىمشەدە بولدى. وسى ارالىقتا ءسابيدىڭ ارقايسىسى ءبىر كيلوداي سالماق قوستى, – دەدى وبلىستىق پەريناتالدىق ورتالىقتىڭ نارەستەلەر پاتولوگياسى جانە شالا تۋعان نارەستەلەردى كۇتىم جانە سىرقات بولىمشەسىنىڭ مەڭگەرۋشىسى گۇلنار ساپيەۆا.
ۇشەم جيىرما ءبىر جاستاعى گۋزال نۋرميمينوۆانىڭ تۇڭعىشتارى. جالپى, وبلىستا ورتاشا ەسەپپەن جىلىنا 7-8 ۇشەم دۇنيەگە كەلەدى ەكەن.
باقتيار تايجان, «ەگەمەن قازاقستان»
وڭتۇستىك قازاقستان وبلىسى