ورتالىق كوممۋنيكاتسيالار قىزمەتىندە وتكەن ءباسپاسوز ماسليحاتىندا, «اتامەكەن» ۇلتتىق كاسىپكەرلەر پالاتاسى قازاقستان رەسپۋبليكاسى پرەزيدەنتىنىڭ «التىن ساپا» سىيلىعىن يەلەنۋگە ارنالعان بايقاۋ مەن «قازاقستاننىڭ ۇزدىك تاۋارى» رەسپۋبليكالىق كورمە بايقاۋىنا ءوتىنىم قابىلداۋ باستالعانىن حابارلادى.
شارا جۇمىسىنا «اتامەكەن» ۇكپ تورالقا توراعاسى حاتشىلىعىنىڭ جەتەكشىسى, ىسكەر ايەلدەر كەڭەسىنىڭ ءتورايىمى لاززات رامازانوۆا, «اتامەكەن» قر ۇكپ شاعىن جانە ورتا بيزنەستى دامىتۋ دەپارتامەنتى ديرەكتورىنىڭ ورىنباسارى سالتانات ابدىكارىموۆا, قر پرەزيدەنتى «التىن ساپا» سىيلىعى «ازىق-ت ۇلىك تاۋارلارى جانە/نەمەسە اۋىل شارۋاشىلىعى ءونىمىن شىعاراتىن ۇزدىك كاسىپورىن» اتالىمىنىڭ 2017 جىلعى لاۋرەاتى قىزىلوردا وبلىسىنداعى «ابزال ي كومپانيا» تس ديرەكتورى ماعجان ەراليەۆ جانە قر پرەزيدەنتى «التىن ساپا» سىيلىعى «قىزمەت كورسەتەتىن ۇزدىك كاسىپورىن» اتالىمىنىڭ 2017 جىلعى لاۋرەاتى قاراعاندى وبلىسىنداعى «دەفەكتوسكوپيا» عوب» جشس دامىتۋ جونىندەگى ديرەكتورى قايرات شامشيەۆ قاتىستى.
«اتامەكەن» قر ۇلتتىق كاسىپكەرلەر پالاتاسى - 2015 جىلدان بەرى ساپا سالاسىنداعى بايقاۋلاردىڭ ۇيىمداستىرۋشىسى. بايقاۋدىڭ باستى ماقساتى – وتاندىق ءوندىرۋشىنى قولداۋ, وتاندىق تاۋار مەن قىزمەت ساپاسىنىڭ جوعارىلاۋىنا, سونداي-اق وتاندىق وندىرۋشىلەردىڭ باسەكەلىك قابىلەتى مەن ساپا يدەياسى تانىمالدىعىنىڭ ارتۋىنا ىقپال ەتۋ. بايقاۋدى ۇيىمداستىرۋ مەن وتكىزۋ پروتسەدۋراسىن جەتىلدىرۋ ماقساتىندا 2017 جىلدىڭ 24 قاراشاسىندا جارعىعا وزگەرتۋلەر ەنگىزىلدى», دەدى «اتامەكەن» ۇكپ تورالقا توراعاسى حاتشىلىعىنىڭ جەتەكشىسى لاززات رامازانوۆا.
سونىمەن قاتار, «اتامەكەن» ۇكپ شاعىن جانە ورتا بيزنەستى دامىتۋ دەپارتامەنتى ديرەكتورىنىڭ ورىنباسارى سالتانات ابدىكارىموۆا بيىلعى 2018 جىلدىڭ بايقاۋى سوڭعى وزگەرتۋلەرگە ساي وتەتىنىن مالىمدەدى.
«التىن ساپا» سىيلىعى شاعىن, ورتا جانە ءىرى كاسىپكەرلىك سۋبەكتىلەرىنە ءتورت اتالىم بويىنشا تابىستالادى. ولار «وندىرىستىك ماقساتتاعى ۇزدىك كاسىپورىن», «حالىققار ارنالعان تاۋار شىعاراتىن ۇزدىك كاسىپورىن», «قىزمەت كورسەتەتىن ۇزدىك كاسىپورىن» جانە «ازىق-ت ۇلىك تاۋارلارى جانە/نەمەسە اۋىل شارۋاشىلىعى ءونىمىن شىعاراتىن ۇزدىك كاسىپورىن». كوميسسيانىڭ قۇرامى دا وزگەردى, اۋىل شارۋاشىلىعى ءونىمى مەن قايتا وڭدەيتىن تاعام ونەركاسىبى زاڭدى تۇلعالار بىرلەستىكتەرىنىڭ ءبىر-بىردەن ەنگىزىلدى جانە بايقاۋعا قاتىسۋ ءۇشىن كاسىپورىنداردى ىنتالاندىرۋ ماقساتىندا – «التىن ساپا» سىيلىعىنىڭ ءار لاۋرەاتىنا 1 ملن تەڭگە كولەمىندە اقشالاي سىياقى بەرىلەدى. بۇل سىياقى حالىقارالىق بايقاۋعا قاتىسۋعا ىنتالاندىرادى», دەپ اتاپ ءوتتى سالتانات ابدىكارىموۆا.
راۋان قايدار, «ەگەمەن قازاقستان»