تسيفرلاندىرۋ جوبالارى ىسكە قوسىلدى

وسىلايشا, شىمكەنتتىڭ فرونت-وفيسىندە پەداگوگيكالىق قۇرامدى ىرىكتەۋدىڭ اۆتوماتتاندىرىلعان جۇيەسى ەنگى­زىلدى, ونىڭ باستى ارتىقشىلىعى – وقۋ ورىندارىنا مامانداردى ىرىك­تەۋ­دىڭ اشىقتىعى. سونداي-اق جۇيە ءارتۇر­لى پاندەر بويىنشا پەداگوگتاردىڭ جەتىس­پەۋشىلىگىنىڭ تولىق كورىنىسىن بەرەدى.

بۇدان ءارى دەلەگاتسيا س.ەرۋباەۆ اتىنداعى №24 ورتا مەكتەپتى ارالاپ, مەم­لەكەتتىك مەكتەپتەردىڭ 1-سىنىپتارىنا بالالاردى تىركەۋ جۇيەلەرىنىڭ جۇمىسىمەن تانىستى. قولدانىسقا ەنگىزىلگەن ەلەكتروندى جۋرنالدار مەن كۇندەلىكتەر اتا-انالارعا بالالارىنىڭ ۇلگەرىمىن باقىلاۋعا, وقۋ باعدارلاماسى مەن ءۇي تاپ­سىر­مالارى تۋرالى اقپارات الۋعا مۇم­كىن­دىك بەرەدى.

بۇدان وزگە, ونلاين-ساباقتار سەكىلدى جاڭاشىلدىقتار شالعايدا ورنالاسقان اۋدانداردىڭ مەكتەپتەرىندەگى ماماندار جەتىسپەۋشىلىگى ماسەلەسىن شەشۋگە جول اشادى. ەندىگى ينتەرنەت بايلانىسى ار­قىلى وقۋشىلارعا ساباق نەمەسە مۇعا­لىمدەرگە سەمينارلار وتكىزۋگە بولادى.

جوو-لاردا دا وقۋ ۇدەرىسىن اۆتوماتتاندىرۋ پروتسەسى جۇزەگە اسىرىلىپ جاتىر. ماسەلەن, م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە ستۋدەنتتەر ەلەكتروندى پورتال ارقىلى بارلىق وقۋ ماتەريالدارىن, تەستىلەر مەن ەمتيحان تاپسىرمالارىن جۇكتەپ الىپ, ساباق كەستەسىن سول جەردەن قاراي الادى.

وڭتۇستىك قازاقستان وبلىسىنىڭ مەك­تەپ­تەرىندە دە, جوو-لارىندا دا روبوتتى-تەحنيكا سىنىپتارى اشىلدى. قازىر­گى تاڭدا ستۋدەنتتەر ستارتاپ-جوبالار­دى ازىرلەپ جاتىر. سونىمەن قاتار پرە­مەر-ءمينيستردىڭ ورىنباسارى حالىققا قىزمەت كورسەتۋ ورتالىعىندا بولىپ, ونداعى قىزمەتتىڭ ەلەكتروندى تۇردە قالاي كورسەتىلىپ جات­قانى­مەن تانىستى. اي­تا كەتۋ كەرەك, وسى جىل­دىڭ باسىنان بەرى حالىققا قىزمەت كور­سەتۋ ورتالىقتارى 805 674 مەملەكەت­تىك قىزمەت كورسەتسە, سونىڭ 574 319-ى ەلەكتروندى فورماتتا ىسكە اسىرىلعان.

ساپار بارىسىندا اسقار جۇماعاليەۆ قالا كاسىپورىندارىنىڭ بىرىندە ەنگىزىلگەن اۆتوماتتاندىرىلعان جۇيەمەن تانىستى. مۇندا اقپاراتتىق تەحنولوگيا­لار پايدالانۋ شىعىندارىن 41%-عا, ال ەلەكتر قۋاتىن تۇتىنۋدى 10 ەسە ازايتۋعا مۇمكىندىك بەرەدى.