پارلامەنت سەناتى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسى مەن ۆەتنام سوتسياليستىك رەسپۋبليكاسى اراسىنداعى ۇستاپ بەرۋ تۋرالى شارتتى راتيفيكاتسيالاۋ تۋرالى» زاڭ جوباسى قارالدى.
2017 جىلعى 15 ماۋسىمدا حانويدا جاسالعان شارت ءاربىر ۋاعدالاسۋشى مەملەكەتتىڭ ءوز اۋماعىندا بولاتىن, ۇستاپ بەرۋگە الىپ كەلەتىن قىلمىستار ءۇشىن قىلمىستىق قۋدالاۋ نەمەسە سۇراۋ سالۋشى تاراپتىڭ اۋماعىندا سوتتىڭ ۇكىمىن ورىنداۋ ماقساتىندا ىزدەستىرىلىپ جاتقان ادامدى ۇستاپ بەرۋىنە باعىتتالعان. قۇجات ۇستاپ بەرۋ جانە ۇستاپ بەرۋدەن باس تارتۋ ءۇشىن نەگىزدەرىن رەتتەيدى.
كوميتەت وتىرىسىندا ايتىلعان دەرەكتەر بويىنشا, قازاقستاندىق سوتتىڭ ءادىل قازىلىعىنان ۆەتنامدا جاسىرىنىپ جۇرگەن نەمەسە ۆەتنامدىق بيلىك ءبىزدىڭ ەلدەن ىزدەۋ سالعان تۇلعالار جوق. سونىمەن قاتار, شارتتىڭ الدىن الۋ سيپاتى بار ەكەنىن ەسكەرسەك, شارت جاساسۋ قىلمىسقا قارسى كۇرەس سالاسىندا ءتيىمدى ىنتىماقتاستىقتىڭ قۇقىقتىق نەگىزىن قالىپتاستىرادى.
باس پروكۋروردىڭ ورىنباسارى اندرەي لۋكيننىڭ سەناتورلارعا بەرگەن اقپاراتى بويىنشا, بۇگىندە قازاقستان الىس شەتەلدەردەن ەكستراديتسيالاۋ تۋرالى ەكىجاقتى 19 كونۆەنتسيا جاساسقان. قازاقستان تمد ەلدەرى بويىنشا كيشينەۆ جانە مينسك كونۆەنتسيالارىنىڭ نەگىزىندە جۇمىس ىستەيدى, ال لاتىن امەريكاسى ەلدەرىمەن ىنتىماقتاستىق ەكستراديتسيالاۋ امەريكاارالىق كونۆەنتسياعا سايكەس جۇزەگە اسىرىلادى. جاقىن بولاشاقتا برازيليا, ماكەدونيا, گرەكيا جانە كۋبا ەلدەرىمەن وسىنداي كەلىسىمدەرگە قول قويۋ جوسپارلانىپ وتىر.
زاڭ جوباسى پالاتا قاراۋىنا جىبەرىلدى.