مەملەكەت باسشىسى نۇرسۇلتان نازارباەۆ فرانتسيادا اۋىر اتلەتيكادان وتكەن الەم چەمپيوناتىندا تاماشا جەڭىسكە قول جەتكىزگەن قازاقستاندىق سپورتشى زۋلفيا چينشانلوعا قۇتتىقتاۋ جەدەلحاتىن جولدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
«فرانتسيادا اۋىر اتلەتيكادان وتكەن الەم چەمپيوناتىندا قول جەتكىزگەن تاماشا جەڭىسىڭىزبەن شىن جۇرەكتەن قۇتتىقتايمىن! جەڭىستىڭ جولى وڭاي بولماسا دا, ءسىز قازاقستاندىقتاردىڭ ءۇمىتىن اقتادىڭىز, ءبىزدىڭ قۇراماعا العاشقى التىن مەدالدى الىپ بەرە وتىرىپ, الەم رەكوردىن جاڭارتتىڭىز. بۇل ءسىزدىڭ كاسىبي شەبەرلىگىڭىز بەن جەڭىسكە دەگەن ايرىقشا ەرىك-جىگەرىڭىزدىڭ ناتيجەسى ەكەنى ءسوزسىز. ءسىزدىڭ جەتىستىگىڭىز تاۋەلسىزدىگىمىزدىڭ 20 جىلىنداعى قازاقستاننىڭ تولايىم تابىستارىنا قوسىلعان قوماقتى ۇلەس بولدى ءارى ەلىمىزدە اۋىر اتلەتيكانىڭ دامۋىنا جاقسى سەرپىن بەردى. التىن مەدالدى يەلەنىپ قانا قويماي, ءسىز, سپورتتىق كاسىبي ومىرىڭىزگە جاڭا دا جارقىن جول اشتىڭىز. الداعى ۋاقىتتا دا وسىنداي جەڭىستەر بيىگىنەن كورىنە بەرەتىنىڭىزگە سەنەمىن. سىزگە بۇدان دا زور سپورتتىق تابىستار مەن ىزگى جاقسىلىقتار تىلەيمىن!», – دەلىنگەن قۇتتىقتاۋ جەدەلحاتىندا.
* * *
مەملەكەت باسشىسى نۇرسۇلتان نازارباەۆ فرانتسيادا اۋىر اتلەتيكادان وتكەن الەم چەمپيوناتىندا تاماشا جەڭىسكە قول جەتكىزگەن قازاقستاندىق سپورتشى يليا يلينگە قۇتتىقتاۋ جەدەلحاتىن جولدادى.
«ءسىز ءوز جەڭىمپازدارىن, تۋعان ەلىن ماقتان تۇتاتىن ميلليونداعان وتانداستارىمىزدىڭ ءۇمىتىن كەزەكتى رەت اقتادىڭىز. قازاقستاننىڭ سپورت دەرجاۆاسى رەتىندەگى مارتەبەسى تاعى ءبىر رەت دالەلدەنىپ, بەدەلدى الەمدىك باسەكەدە تۋىمىز كوكتە جەلبىرەدى, ءانۇرانىمىز شىرقالدى. ءسىزدىڭ جەڭىسىڭىز بۇكىل قازاقستاندىقتارعا تاۋەلسىزدىك مەرەيتويى قارساڭىنداعى تاماشا تارتۋ بولدى. جەڭىسكە دەگەن ءسىزدىڭ ەرىك-جىگەرىڭىز, قايسار رۋحىڭىز بەن قاجىر-قايراتىڭىز, شەبەرلىگىڭىز بەن تاباندىلىعىڭىز بارشا قازاقستاندىق سپورتشىلارعا ۇلگى-ونەگە بولادى دەپ سەنەمىن. سپورتتا جاڭا بيىكتەرگە جەتە بەرۋىڭىزگە تىلەكتەسپىن!», – دەلىنگەن قۇتتىقتاۋ جەدەلحاتىندا.