ۋكراينانىڭ تانىمال ءجۋرناليسى دميتري گوردون 18 قاڭتار كۇنى «112 ۋكراينا» تەلەارناسىنداعى «ۆەچەرني پرايم» باعدارلاماسىنا قاتىسىپ, قازاقستان پرەزيدەنتى ن.نازارباەۆ جونىندە جانە ونىڭ امەريكا قۇراما شتاتتارىنا جاساعان رەسمي ساپارىنا قاتىستى پىكىرىن ءبىلدىردى.
«وزدەرىڭىز بىلەتىندەي, قازاقستان پرەزيدەنتى نۇرسۇلتان نازارباەۆ 16 قاڭتاردا ۆاشينگتونعا باردى. جالپى, مەن نازارباەۆتى اسا كورنەكتى ساياسي قايراتكەر دەپ سانايمىن. ول – پرەزيدەنتتەر اراسىنداعى ەڭ مىقتىلاردىڭ ءبىرى. ءتىپتى پوستكەڭەستىك كەڭىستىكتەگى ەڭ مىقتى پرەزيدەنت دەۋگە بولادى. مەن نازارباەۆ پەن ترامپتىڭ نە جونىندە ۋاعدالاسقانىن مۇقيات سارالادىم. قانداي كەرەمەت ءوزارا تۇسىنىستىك! قازاقستانعا 50 ميلليارد دوللار امەريكا ينۆەستيتسياسى تارتىلعان. 50 ميلليارد دوللار! قازاقستان بەيبىتشىلىكتىڭ, دوستىق پەن بەرەكە-بىرلىكتىڭ ارقاسىندا وركەندەۋدە. قاراڭىزشى, ەكونوميكاسى قالاي دامىپ كەلەدى! مەن الماتىدا بولىپ, جاعدايدى جەتە زەرتتەدىم. حالىقتىڭ قالاي ءومىر ءسۇرىپ جاتقانىن كوردىم. مەن نازارباەۆتىڭ ءوزىنىڭ حالقىن نىق سەنىممەن, اكەلىك قامقورلىقپەن وركەندەۋ جولىنا باستاپ بارا جاتقانىنا كۋا بولدىم. ول – دانىشپان ادام. نازارباەۆ – شىعىستىڭ داناگويى» دەيدى ۋكراينالىق جۋرناليست.
سونداي-اق, د.گوردون كسرو-نىڭ تۇڭعىش ءارى جالعىز پرەزيدەنتى م.گورباچەۆتىڭ ەلباسى تۋرالى ءسوزىن ەسكە الادى: «كەزىندە گورباچەۆ ماعان نازارباەۆ تۋرالى كوپ ايتقان بولاتىن. كسرو-نىڭ ىدىراۋى الدىندا گورباچەۆ نازارباەۆتىڭ پرەمەر-مينيستر بولعانىن قالادى. ەندى قاراڭىزدار, ول امەريكالىقتارمەن, ترامپپەن ورتاق ءتىل تاپتى. ترامپ ول تۋرالى تەبىرەنە سويلەدى.»