مەملەكەت باسشىسى نۇرسۇلتان نازارباەۆتىڭ قازاقستان حالقىنا جولداۋى ءتورتىنشى ونەركاسىپتىك رەۆوليۋتسيا جاعدايىنداعى ەلىمىزدى جاڭعىرتۋ جونىندەگى شارالار باعدارلاماسىن قامتيدى.
ەلباسىمىزدىڭ الىستى بولجاعان كورەگەن ساياساتى ناتيجەسىندە ەلىمىز بيىك بەلەستەردى باعىندىردى: قازاقستان 2017 جىلى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولدى, جاڭا جىلدان باستاپ ءبىزدىڭ ەلىمىز وعان توراعالىق ەتۋدە. تمد ەلدەرى اراسىندا ءبىرىنشى بولىپ دۇنيەجۇزىلىك مامانداندىرىلعان ەكسپو كورمەسىن وتكىزدىك.
پرەزيدەنتىمىز ءوزىنىڭ جولداۋىندا ءبىزدى قول جەتكىزگەن بيىكتەردە توقتالىپ قالماۋعا شاقىرادى جانە كوكەيىمىزدە ەرتەڭگى كۇنگە سەنىمدىلىكتى ورنىقتىرادى.
ەلباسى قازاقستان دامۋىنىڭ جانە الەمنىڭ نەعۇرلىم دامىعان 30 ەلىنىڭ قاتارىنا ەنۋ جونىندەگى 10 نەگىزگى مىندەتتى ءبىزدىڭ الدىمىزعا قويىپ وتىر. سولاردىڭ ىشىندە سەگىزىنشى مىندەت – ءتيىمدى مەملەكەتتىك باسقارۋ» اۋقىمىندا ء«بىر تەرەزە» قاعيداتى بويىنشا بيزنەسكە مەملەكەتتىك قولداۋ كورسەتۋ ۇدەرىستەرىن تسيفرلاندىرۋدى قامتاماسىز ەتۋ.
نۇرسۇلتان نازارباەۆ ءوزىنىڭ جولداۋىندا كۇندەلىكتى ءومىردىڭ ەڭ كوكەيكەستى دەگەن سالالارىنا نازار اۋدارا وتىرىپ, ەل دامۋىنىڭ نەعۇرلىم ماڭىزدى باعىتتارىن اشىپ كورسەتەدى. مۇنىڭ ءوزى مەملەكەت تاراپىنان قابىلدانىپ وتىرعان بارلىق شارالاردىڭ قازاقستاندىقتاردىڭ ءال-اۋقاتىن جاقسارتۋعا, ەلىمىزدىڭ ەكونوميكاسىن, الەۋمەتتىك سالانى دامىتۋعا باعىتتالعانىن تاعى دا ايعاقتاپ وتىر.
قازاقستاندىق يندۋستريا جاڭا تەحنولوگيانى ەنگىزۋدىڭ باستاۋشىسى بولۋى ءتيىس. بىزگە بۇعان وندىرىستىك پروتسەستەردى تسيفرلاندىرۋ جانە زاماناۋي بيزنەس-مودەلدەردى يگەرۋ ارقىلى ەڭبەك ونىمدىلىگىن ارتتىرۋ ەسەبىنەن قول جەتكىزۋگە بولادى.
بانك جۇيەسىن ساۋىقتىرۋ, اگروونەركاسىپ كەشەنىن, كولىك جانە لوگيستيكالىق ينفراقۇرىلىمدى دامىتۋ ەسەبىنەن قارجى سەكتورىنىڭ جۇمىسىن كوبەيتۋگە بايلانىستى ماسەلەلەر دە كۇن تارتىبىندە تۇر.
زاڭ ۇستەمدىگىن نىعايتۋ جانە سىبايلاس جەمقورلىقپەن كۇرەسكە قاتىستى جايلارعا دا ەرەكشە نازار اۋدارىلادى. وسىعان بايلانىستى مەملەكەت باسشىسى مەملەكەتتىك ورگانداردا ولاردىڭ تۇرعىندارمەن جانە بيزنەسپەن ءوزارا ارەكەتىن, سونداي-اق سوت جانە قۇقىق قورعاۋ جۇيەلەرىنىڭ ينستيتۋتسيونالدىق قايتا قۇرىلىمىن قامتي وتىرىپ, پروتسەستەردى تسيفرلاندىرۋدى قاجەتتىلىك دەپ سانايدى.
پرەزيدەنتتىڭ كەزەكتى جولداۋى ەلىمىزدى ودان ءارى جاڭعىرتۋدىڭ ماڭىزدى ىنتالاندىرۋشىسى بولىپ تابىلادى, سونداي-اق ءاربىر قازاقستاندىق ءۇشىن ءىس-ارەكەتكە باسشىلىق رەتىندە قىزمەت ەتەدى.
مارات تاعىموۆ, پارلامەنت سەناتىنىڭ دەپۋتاتى