ەلباسىنىڭ بيىلعى ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋى قازاقستاندىقتاردى جاڭا بەلەستەردى باعىندىرۋعا, ورتاق ماقساتقا توپتاستىرۋعا ارنالعان ماڭىزدى باعدارلامالىق قۇجات.
جولداۋ جۇكتەگەن مىندەتتەر تابان استىنان شىعا قالماعانى انىق. ەلىمىز بۇل جولعا سىندارلى ەڭبەكپەن كەلگەنى اقيقات. ءبىز ءوز جۇمىسىمىزدىڭ بارىسىندا بۇعان كۇن سايىن كۋا بولىپ كەلەمىز. مىسالعا قازاقستانداعى ءتىل ساياساتىن الىپ قارايىق. جىل وتكەن سايىن ەلىمىزدە مەملەكەتتىك ءتىلدىڭ مارتەبەسى ءوسىپ, ابىرويى ارتا تۇسۋدە. ال ءۇش تۇعىرلى ءتىل ومىرلىك قاجەتتىلىكتەن تۋىنداعان يدەيا ەكەندىگى بەلگىلى. قاي زاماندا بولسىن, بىرنەشە ءتىلدى مەڭگەرگەن مەملەكەتتەر مەن حالىقتار ءوزىنىڭ كوممۋنيكاتسيالىق جانە ينتەگراتسيالىق قابىلەتىن كەڭەيتىپ وتىرعان. سونداي-اق بۇگىنگى ەۋروپادا دا كوپ ءتىلدى مەڭگەرۋشىلىك جالپىعا ورتاق نورما بولىپ سانالادى. ياعني بۇگىنگى تاڭدا قازاقستان ءۇشىن ۇشتۇعىرلى ءتىل – ەلدىڭ باسەكەگە قابىلەتتىلىككە ۇمتىلۋدا ءبىرىنشى باسپالداعى. ويتكەنى بىرنەشە تىلدە ەركىن سويلەي دە, جازا دا بىلەتىن قازاقستاندىقتار ءوز ەلىندە دە, شەتەلدەردە دە باسەكەگە قابىلەتتى تۇلعاعا اينالادى.
ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا ايتىلعان 10 مىندەتتىڭ جەتەۋى ادامي كاپيتالدى دامىتۋعا بايلانىستى ءوربىپ وتىر. وسى ورايدا مەملەكەت باسشىسى ءۇش ءتىلدى ەركىن مەڭگەرۋدىڭ ماڭىزدىلىعىنا جەتە توقتالدى. ياعني قازاقستاننىڭ بولاشاعى ءۇش ءتىلدى ەركىن مەڭگەرۋىندە ەكەندىگىن قاداپ ايتتى. «قازاق ءتىلى عۇمىرلى بولسىن دەسەك, ونى قازىرگى زامانعا لايىقتاۋ قاجەت», دەدى پرەزيدەنت.
الماتى وبلىسى دا مەملەكەتتىك ءتىلدىڭ مارتەبەسىن كوتەرۋ جولىندا وزىنشە ۇلەس قوسىپ كەلەدى. وڭىردە 2005 جىلى قۇرىلعان وبلىستىق ءتىل باسقارماسىنىڭ باستاماسىمەن ءتىلدى دامىتۋعا باعىتتالعان شارالار جۇيەلى تۇردە جۇرگىزىلەدى. ەلباسىنىڭ جولداۋدا ايتقان قازاق ءتىلىنىڭ ماڭىزدىلىعىن ارتتىرۋ جولىنداعى تاپسىرماسى الداعى اتقارىلار ءىسىمىزدى جانداندىرۋعا وڭ ىقپالىن تيگىزبەك.
سونداي-اق ءوز جولداۋىندا نۇرسۇلتان ءابىش ۇلى نازارباەۆ تەرميندەردى قازاق تىلىنە اۋدارۋ بارىسىندا كەزدەسەتىن ماسەلەلەرگە دە توقتالدى. مەملەكەت باسشىسى سوڭعى جىلدارى الەمدە قالىپتاسقان 7 مىڭ تەرميننىڭ قازاق تىلىندەگى اۋدارماسى كۇلكى تۋعىزاتىنىن ايتىپ, تەرمينولوگيا تۇرعىسىنان قازاق ءتىلىن حالىقارالىق دەڭگەيگە جاقىنداتۋ قاجەت دەدى. ال لاتىن گرافيكاسىنا كوشۋ بۇل ماسەلەنى رەتتەۋگە مۇمكىندىك بەرەتىنىنە سەنىم ءبىلدىردى. جولداۋدا ايتىلعان ءار ماسەلە كىم-كىمگە دە تەرەڭ وي قالدىردى دەگەن ويدامىن. ال بۇل مىندەتتەردى ورىنداۋ جولىندا ءبىز دە تاۋەلسىز ەلىمىزدىڭ نىعايۋىنا ءوز ۇلەسىمىزدى قوسۋعا ارقاشان دايىنبىز. پرەزيدەنت جولداۋى بۇل ءاربىر قازاقستاندىقتى بەلسەندى بولۋعا شاقىرادى.
ايدار باشباەۆ, الماتى وبلىسىنىڭ تىلدەردى دامىتۋ باسقارماسىنىڭ باسشىسى