ەلباسى نۇرسۇلتان نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن «استانا وپەرا» تەاترىنداعى تالقىلاۋ بارىسىندا تەاتر ديرەكتورى, قازاقستاننىڭ ەڭبەك سىڭىرگەن قايراتكەرى عالىم احمەدياروۆ: «مىندەتىمىز – مادەنيەت پەن ونەرىمىزدى ودان ءارى دامىتۋ», دەدى. ۇجىم پرەزيدەنت جولداۋىنىڭ نەگىزگى باعىتتارىن مۇقيات تىڭداپ, ەلباسىنىڭ مىندەتتەرىن ورىنداۋعا ىقىلاس-نيەتتەرىن ءبىلدىردى.
پرەزيدەنت جولداۋىن تالقىلاۋعا ارنالعان دوڭگەلەك ۇستەلدە قازاق عىلىمي-زەرتتەۋ مادەنيەت ينستيتۋتى باس ديرەكتورىنىڭ عىلىمي جۇمىستار جونىندەگى ورىنباسارى, فيلوسوفيا عىلىمدارىنىڭ كانديداتى, ساراپشى گالينا پوۆالياشكو ءوز پىكىرىمەن ءبولىستى.
مادەنيەت سالاسى قىزمەتكەرلەرى ءۇشىن جولداۋدىڭ جەتىنشى باعىتى ماڭىزدى سانالادى. اسىرەسە «ادامي كاپيتال – جاڭعىرۋ نەگىزى» ەرەكشە نازاردا, بۇل جەردە مادەنيەتىمىزدى ودان ءارى دامىتۋ ءۇشىن ۇلتتىڭ الەۋەتىن ارتتىرۋ تۋرالى تەرەڭ وي قوزعالعان. «رۋحاني جاڭعىرۋدىڭ» ءمان-ماڭىزى دا ناق وسىندا. ءوزىنىڭ تاريحىن, ءتىلىن, مادەنيەتىن بىلەتىن, سونداي-اق زامانىنا لايىق, شەت تىلدەرىن مەڭگەرگەن, وزىق ءارى جاھاندىق كوزقاراسى بار قازاقستاندىق ءبىزدىڭ قوعامىمىزدىڭ يدەالىنا اينالۋعا ءتيىس», دەلىنگەن جولداۋ ماتىنىندە.
– پرەزيدەنت نۇرسۇلتان نازارباەۆتىڭ جولداۋى قازاقستاندىقتاردىڭ كوكەيىندەگى كوپتەگەن ساۋالدارعا جاۋاپ بەرەدى. ول ەلىمىزدىڭ الەمدىك ساپا ستاندارتتارىنا ۇمتىلىسىنىڭ دۇرىستىعىن دالەلدەدى. باسىمدىقتار اراسىندا, اسىرەسە ادامي كاپيتالدىڭ جاڭا ساپاسى كورسەتىلگەنى اسا ماڭىزدى: مۇعالىم كاسىبىنىڭ مارتەبەسى ارتادى, دەنساۋلىق ساقتاۋ سالاسىندا وزگەرىستەر جۇزەگە اسىرىلادى, بازالىق زەينەتاقى مولشەرى وسەدى. ال ءبىزدىڭ قازىرگى باستى مىندەتىمىز – مادەنيەت پەن ونەرىمىزدى ودان ءارى دامىتۋ. ەلباسىنىڭ ارقاسىندا جىل سايىن ەلىمىزدە جاڭا عىلىمي ورتالىقتار, مادەنيەت مەكەمەلەرى, ساياباقتار اشىلۋدا. زياتكەرلىك مەكتەپتەر, سونداي-اق نازارباەۆ ۋنيۆەرسيتەتى, «استانا وپەرا», ۇلتتىق مۇراجاي, «استانا بالەت» تەاترى ءتارىزدى قانشاما مادەنيەت وشاقتارى مەن حالىققا رۋحاني قىزمەت كورسەتەتىن ورىندار بوي كوتەردى. حورەوگرافيا اكادەمياسى سالىندى – وسىنىڭ ءبارى ەلىمىزدىڭ رۋحاني-مادەني دامۋىنا پرەزيدەنتىمىزدىڭ جاساپ جاتقان وراسان زور ەڭبەگى, – دەپ اتاپ ءوتتى تەاتر ديرەكتورى عالىم احمەدياروۆ.
قارشىعا كۇلەن
استانا