پرەزيدەنت نۇرسۇلتان نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى بيىلعى جولداۋى ەلىمىزدىڭ قوعامدىق-ساياسي جانە ەكونوميكالىق تىنىس-تىرشىلىگىندەگى كۇردەلى جانە وزەكتى ماسەلەلەردى كوتەرۋىمەن قۇندى. وندا قازاقستاننىڭ جاڭا كەزەڭدەگى دامۋىنىڭ 10 باسىم باعىتى ايقىن كورسەتىلگەن.
بىرىنشىدەن, يندۋستريالاندىرۋ جاڭا تەحنولوگيالاردى ەنگىزۋدىڭ كوشباسشىسىنا اينالۋى ءتيىس, بۇل ەلىمىزگە اۋاداي وتە قاجەت.
ءيا, ۋاقىت قانداي ۇشقىر دەسەڭشى! كۇنى كەشە كومپيۋتەرگە, ۇيالى تەلەفونعا ەلەڭ ەتىپ, تاڭدانىپ ەدىك, ەندى زاماناۋي قۇرال-جابدىقتاردىڭ كوپتەگەن جاڭا ۇلگىلەرىمەن تانىسىپ, بىلۋدەمىز. قوعامدى, ءوندىرىستى, تۇرمىسىمىزدى جاڭارتۋداعى جاھاندىق ترەند – تسيفرلاندىرۋ.
الەمدىك دامۋدان تىسقارى قالماي, 2050 جىلعا قاراي باسەكەگە مىقتى 30 ەلدىڭ قاتارىنا قوسىلۋ باعىتىن ەلباسىمىز وتە سەنىمدى تۇردە مەجەلەپ بەرىپ وتىر.
تاعى ءبىر ەرەكشە توقتالار تۇس, جولداۋ استانادا وتكەن ەكسپو-2017 كورمەسىنىڭ تولايىم تابىستارىن دا قاپەرگە سالدى. بالامالى, «تازا» ەنەرگيا سالاسىنداعى دامۋدىڭ قانشالىقتى قارقىندى ەكەنىن سەزىنە كەلە ەلىمىزدەگى بالامالى ەنەرگيا ۇلەسىن بارىنشا ارتتىرۋ مىندەتىن قوزعادى.
دەمەك, ەلىمىز سەرپىلىپ, تۇلەي تۇسەدى. بۇل ءسوزسىز. اگروونەركاسىپ كەشەنىن جاڭا تەحنولوگيالىق ساتىعا كوتەرۋ, ادامي كاپيتالدى جاڭا ساتىعا كوتەرۋدىڭ نەگىزى – مەكتەپ مۇعالىمىنىڭ بەدەلىن ارتتىرۋ, بىلىكتىلىگىنە ساي ونىڭ جالاقىسىن كوبەيتۋ, ءبارى-ءبارى دە جاڭا جولداۋدا تايعا تاڭبا باسقانداي ورنەكتەلگەن. كەڭ-بايتاق ورتاق شاڭىراعىمىزدا يگى ىستەر ارناسى كەڭي بەرەدى, جۇرتىمىزدىڭ ءال-اۋقاتى جاڭا دەڭگەيگە كوتەرىلەدى, مىنە, جارقىن تاعدىرىمىزدىڭ جورالى جولى بۇل.
ءبىز, ۇلتتىق ۇلاندىقتار ارقاشان دا ەلباسىمەن بىرگەمىز. ەل ءۇشىن ەكونوميكالىق جانە ساياسي-الەۋمەتتىك دامۋمەن بىرگە رۋحاني دامۋدىڭ دا ماڭىزدى ەكەنىن جاقسى بىلەمىز.
ءسوز سوڭىندا ايتارىم, ەلباسىنىڭ حالىققا ارناعان جولداۋىنان تۋىندايتىن مىندەتتەردى ورىنداۋعا بارشامىز بەلسەندى تۇردە اتسالىسۋىمىز كەرەك.
الىبەك سەراليەۆ,
گەنەرال-مايور, قازاقستان رەسپۋبليكاسى ۇلتتىق ۇلانى «باتىس» وڭىرلىك قولباسشىلىعىنىڭ قولباسشىسى
ورال