رەسەيدىڭ ياروسلاۆل وبلىسىنىڭ نەكراسوۆ رايونىنداعى ۆياتسكوە سەلوسىنداعى مەكتەپتىڭ قابىرعاسىنا كەڭەس وداعىنىڭ باتىرى ءاليا مولداعۇلوۆاعا ەسكەرتكىش تاقتا ورناتىلدى.
وندا «قازاق حالقىنىڭ داڭقتى قىزى ءاليا مولاعۇلوۆا ۆياتسكايا مەكتەبىندە 1942 جىلدىڭ ناۋرىزىنان مامىر ايىنا دەيىن وقىدى. 1944 جىلى 14 قاڭتاردا ەرلىكپەن قازا تاپتى» دەپ جازىلعان.
رەسەيدە تۇراتىن قانداسىمىز ماحاببات قوجابەكوۆانىڭ حابارلاۋىنشا, ەسكەرتكىش تاقتانى اشۋعا سەلو تۇرعىندارى مەن مەكتەپ وقۋشىلارى تياناقتى دايىندالىپتى. ادام كوپ جينالعان. ەسكەرتكىش تاقتا اشىلعاننان كەيىن مەكتەپ باتىر قىزعا ارنالعان مۋزىكالىق كەش وتەدى. «كەشتە ۆولكوۆسكي تەاترىنىڭ اكتەرى قانداسىمىز انۋار سۇلتانوۆتىڭ شىرقاعان ء«اليا» ءانى جۇرتشىلىقتى ءتانتى ەتتى» دەيدى ماحاببات قوجابەكوۆا.
وسى كەشتە جەرگىلىكتى اچكەري تاريحشى داريا تيموششەنكونىڭ «پوسلەدني بوي الي» اتتى جاڭا كىتابىنىڭ تۇساۋكەسەرى ءوتتى.
«مەن قازاقتىڭ قىزى رەتىندە شەلپەك, باۋىرساق ءپىسمىرىپ, جۇما كۇنى بولعاندىقتان ءاليا مەن اتالارىمىزدىڭ ارىاعىنا قۇران باعىشتاتتىم» دەيدى «ەگەمەن قازاقستاننىڭ» ءتىلشى قوسىنىنا حابارلاسقان ماحاببات قوجابەكوۆا.
ءنازيرا جارىمبەت
«ەگەمەن قازاقستان»
قوستاناي