قوستانايدا بوكسيت وندىرەتىن جاڭا كارەرلەردىڭ قۇرىلىسى اياقتالدى

جاڭا كەن ورىندارى كومپانيانىڭ اليۋميني ديۆيزيونى قۇرامىنداعى پاۆلودار اليۋميني زاۋىتىن شيكىزاتپەن قامتاماسىز ەتىپ, كاسىپورىننىڭ وندىرىستىك قۋاتىن ساقتاۋعا ىقپال ەتەدى.

اتالعان نىسىنداردىڭ قۇرىلىسى ەكى جىل بۇرىن قولعا الىنعان بولاتىن. مىسالى, كبكب كراسنوگور كەنىشىنىڭ №17 جاڭا كارەرىندەگى تاۋ-كەن جۇمىستارى 2016 جىلعى  قاڭتاردا باستالعان ەدى. تاۋلىگىنە 18 مىڭ تەكشە مەتر شاماسىندا تاۋ-كەن ماسساسى تيەلدى. ارشىلاتىن جىنىستىڭ جالپى كولەمى 53 ملن تەكشە مەتردەن استام بولاتىن. كارەردىڭ ۇزىندىعى – 2 شاقىرىم, ەنى – 0,9 شاقىرىم, تەرەڭدىگى – 111 مەتر. كارەر قۇرىلىسىمەن قاتار بوكسيت توگەتىن قويماعا اپارار كولىك جولى توسەلىپ, سۋ تارتقىش جانە كەرنەۋى 6 كۆ ەلەكتر قۋاتىنىڭ ءۇش جەلىسى تارتىلدى. قازىر №17 كارەردەگى كەننىڭ  العاشقى تونناسى ءوندىرىلدى. 2018 جىلدىڭ باسىنان قارقىندى جۇمىس ۇدەرىسى جۇرۋدە, بەس ەكسكاۆاتور, توعىز اۆتوساموسۆال, ءۇش بۋلدوزەر مەن ءبىر اۆتوگرەيدەر ىسكە جۇمىلدىرىلعان. وسى كارەردەن جىلىنا 1 ملن تونناعا دەيىن بوكسيت كەنى ءوندىرۋ جوسپارلانىپ وتىر.

ال, ايات كەنىشىنىڭ №9 كارەرىندە بوكسيتتىڭ ءوندىرىسى قاڭتار ايىنىڭ سوڭىندا باستالماق. بۇل كارەردىڭ   ۇزىندىعى – 700 مەتر, ەنى – 600 مەتر, تەرەڭدىگى – 119 مەتر بولادى. جارىلىس جۇمىستارىنان كەيىن بوكسيت كەنىن ءوندىرۋ  باستالادى. اۆتوجول, سورعى ستانتسياسى, سۋ بۇرعىش, ەلەكتر قۋاتى جەلىسى, جارىقتاندىرۋ ءۇشىن باعاندار قۇرىلىسى اياقتالعان. بۇگىننىڭ وزىندە كارەردە ەكى ەكسكاۆاتور, ءتورت اۆتوساموسۆال, بۋلدوزەر جانە اۆتوگرەيدەر جۇمىس ىستەۋدە. 

«جاڭا كارەرلەردىڭ قۇرىلىسىنا 6 ميلليارد تەڭگەدەن استام ينۆەستيتسيا جۇمسالدى. جوبا ايات جانە كراسنوگور كەنىشتەرى قۋاتىن جانە شيحتانىڭ ساپالى كورسەتكىشتەرىن ساقتاۋ, 2018 جىلعا ارنالعان وندىرىستىك جوسپاردى تولىق ورىنداۋ ءۇشىن جۇزەگە اسىرىلدى. ء  بىز وندىرىستىك كورسەتكىشتەردى ورىنداۋعا جانە پاۆلودار اليۋميني زاۋىتىنا بوكسيتتى جەتكىزۋگە دايىنبىز»  دەدى «قازاقستان ءاليۋمينيى» اق فيليالى   كراسنووكتيابر بوكسيت كەن باسقارماسىنىڭ ديرەكتورى سەرگەي ششەلوكوۆ.

قازىر    كراسنووكتيابر بوكسيت كەن باسقارماسىنىڭ شىعىس ايات كەن ورنىندا تاعى ءبىر كارەردىڭ قۇرىلىسى ءجۇرىپ جاتىر. بۇل – №4 كارەر. تاۋ-كەن قۇرىلىس جۇمىستارى 2017 جىلى باستالدى جانە جوسپار بويىنشا 2020 جىلعا دەيىن جالعاسادى.

ءنازيرا جارىمبەت

«ەگەمەن قازاقستان»

ليساكوۆ