كاسىپورىنداردى, زاۋىتتاردى جانە فابريكالاردى ساندىق بەينەلەۋ جانە بىلىكتى مامانداردى ىزدەستىرۋ ماسەلەسىن شەشۋ ماقساتىندا G-Global بيزنەس-پورتالىنىڭ كونسالتينگتىك بازاسى ىسكە قوسىلادى. بۇل جوبا ەستونيا پارلامەنتىنىڭ دەپۋتاتى, ورتالىق پارتيانىڭ باس حاتشىسى ميحايل كوربۋعا ۇسىنىلدى.
دەپۋتات قازىرگى زامانعى الەمدىك ەكونوميكا ادامي رەسۋرستاردىڭ ساپاسىنا دەگەن سۇرانىستىڭ ارتقانىن ايتتى. «جاڭا وندىرىستەر مەن ترەندتەردىڭ پايدا بولۋى ءارتۇرلى ەلدەردىڭ ەڭبەك نارىعىندا ءتيىمدى ماماندارعا سۇرانىس تۋعىزادى» دەدى ول.
وسى ورايدا كاسىپورىنداردى بىلىكتى كادرلارمەن قامتاماسىز ەتۋ, ساراپشىلار, ينۆەستورلار مەن جوبانىڭ باستاماشىلارى اراسىندا ءوزارا قارىم قاتىناس ورناتۋ بويىنشا G-Global بيزنەس-پورتالى حالىقارالىق پلاتفورماسى ازىرلەندى.
G-Global بيزنەس-پورتالىنىڭ حالىقارالىق توبى ساراپتامالىق قىزمەتتەر ءۇشىن ماركەتپلەيس قۇرۋدا. ياعني ورتالىقتاندىرىلماعان بلوكچەين حاتتامالارىندا قۇرىلىمدالعان ءوزارا ارەكەتتەسۋدىڭ تۇبەگەيلى جاڭا پلاتفورماسى قۇرىلادى. G-Global Business Portal پلاتفورماسىنىڭ مەحانيزمدەرى پلاتفورمالىق ءوزارا ارەكەتتەسۋ بويىنشا كەڭەسشىلەر, ەكونوميكا بويىنشا نوبەل سىيلىعىنىڭ لاۋرەاتتارى ەريك ماسكين مەن الۆين روتتىڭ قاتىسۋىمەن قۇرىلعان. 2017 جىلدىڭ قاراشاسىندا G-Global بيزنەس-پورتالىنىڭ جوبا مەنەدجەرى دەنيس تسىرو گارۆارد ۋنيۆەرسيتەتىندە الۆين روتپەن جانە ستەنفورد ۋنيۆەرسيتەتىندە ەريك ماسكينمەن ەستونياداعى پلاتفورمانى دامىتۋ تۋرالى كەلىسىمشارتتارعا قول قويدى.
ايتا كەتۋ كەرەك, عالىمداردىڭ ەۋرازيالىق ەكونوميكالىق كلۋبى ۇيلەستىرۋ كەڭەسىنىڭ توراعاسى اكادەميك حانون بارابانەر G-Global بيزنەس-پورتالىنىڭ عىلىمي جەتەكشىسى. سونداي اق, وقو داعى «وڭتۇستىك» ايماقتىق ينۆەستيتسيالىق ورتالىعى قازاقستان رەسپۋبليكاسى پرەزيدەنتىنىڭ باستاماسى - G-Global جوباسى ىسكە اسىرۋدى قولدايتىن ورتالىق ازياداعى نەگىزگى ايماقتىق سەرىكتەس بولىپ تابىلادى.
ەكونوميكانىڭ ناقتى سەكتورىن تسيفرلاندىرۋ كەزىندە ادام رەسۋرستارىن باسقارۋ باعىتىنداعى كەڭەسشى - سەرگەي سەرگيەنكو (ChronoBank) بولىپ تابىلادى. بۇل ورايدا G-Global بيزنەس-پورتالىنىڭ جەتەكشىسى دەنيس تسىرو ChronoBank جۇيەسىن كونسالتينگ ماركەتپلەيس الاڭىنا بىرىكتىرۋ قاجەتتىگىن اتاپ ءوتتى.
ەستەرىڭىزگە سالا كەتەيىك, توكەن TIME – ChronoBank-تىڭ ەلەكەتروندى اقشا جۇيەسى قىزمەتكەردىڭ ناقتى تيىمدىلىگىن ولشەيدى جانە قىزمەتكەردىڭ كاسىپورىندا پايداسى تۋرالى اقپارات بەرەدى.