ۇرجارداعى ۇزدىك ۇلگى

– مىنا تۇرعان ارداگەرلەر بولمەسى اۋدان اكىمى سەرىك ءزاينۋلديننىڭ باستاماسى بويىنشا جاسالدى. ىشىنە كۇر­دەلى جوندەۋ جاساپ, تەلەدي­دار, قاجەتتى جابدىقتار ور­ن­الاستىردىق. اۋداننىڭ ور­­كەندەۋىنە ەرەكشە ۇلەس قوس­قان قاريالار وسىندا ورنا­لاسىپ, قاجەتتى ەم-دومىن الادى, بارلىعى تەگىن. مىنا تۇر­عان پەرزەنتحاناعا جاڭا قۋات­تى قۇرال-جابدىقتاردى ورن­اتتىق. بىزدە پەرزەنتحانا, تەراپيا, جانساقتاۋ, بالالار, گينەكولوگيا, حيرۋرگيا, جۇقپالى اۋرۋلار ءبولىمى قىز­مەت كورسەتەدى. اۋداندىق اۋ­رۋ­حانادا 100 دارىگەر, 331 و­ر­­تا بۋىن قىزمەتكەر بار. بار­­لىعى 629 ادام قىزمەت ەتە­­دى. مەكەمەگە قاراستى 39 ەم­­دەۋ-ساۋىقتىرۋ ورىندارى, 16 مەديتسينالىق پۋنكت, 6 فەل­دشەرلىك-اكۋشەرلىك, 15 دارىگەرلىك-امبۋلاتوريا, تاس­­كەسكەندەگى ورتالىق اۋرۋ­حانا, ماقانشىداعى اۋدا­ن­ا­رالىق ورتالىق اۋرۋحانا ءوڭىر­دىڭ 80 مىڭنان استام ادامى­نا مەديتسينالىق قىزمەت كورسەتەدى, – دەيدى باس دارىگەر. اۋرۋحانانى ارالاپ شىق­قاندا تازالىققا ەرەكشە كوڭىل بولىنەتىنىن اڭعاردىق. سىرقات جاندار جاتاتىن پالاتا تاپ-تازا. كەڭ ءارى جارىق پالاتالاردا 2-3, 4-5 كىسى عانا جاتادى.

باس دارىگەردىڭ ايتۋىنشا, سوڭعى ەكى-ءۇش جىلدا «پارىز» قورى بويىنشا 148 ميلليون, وبلىستىق بيۋدجەتتەن 30 ميلليون تەڭگە قارجى ءبولىنىپ, زا­ماناۋي اپپاراتتار ساتىپ الۋ­عا جۇمسالعان كورىنەدى. ال ول قانداي قوندىرعىلار دەگەن­گە كەل­سەك, تەك استانا مەن ءۇر­جار­دا عانا بار ءىش قۇرىلىسى (ۆيدەوگاسترو) جانە كورونوسكوپيا اپپاراتتارى. جانساقتاۋ بولىمىندەگى ناركوز بەرەتىن قوندىرعى وڭتۇستىك كورەيادان اكەلىنىپتى. ونىڭ باعاسى – 12,5 ميلليون تەڭگە. رەنتگەن اپپاراتى – 6 ميلليون, جاڭا اي­تىلعان قوس جابدىققا 11,5 ميل­ليون تەڭگە جۇمسالعان كو­رى­نەدى. ونىڭ سىرتىندا جۇكتى ايەل­دەردى, اسقازان, باسقا دا سىر­قاتتاردى تەكسەرەتىن ۋزي قون­دىرعىلارىنا قىرۋار قار­جى جۇمسالعان.

– ەلباسىنىڭ «بولاشاققا باع­دار: رۋحاني جاڭعىرۋ» ما­قالاسىندا ەل ازاماتتارىنىڭ  سەر­گەك تە سالاماتتى ءومىر ءسۇ­رۋى جايلى ەرەكشە ايتىلعان. اۋ­رۋ­حانا قىز­­مەتكەرلەرى ماقا­لا جاريا­لا­نىسىمەن ونى قىزۋ تال­قى­لادى. اۋداندا جاڭا تۋىلعان سا­بيلەردىڭ سوڭعى جىلدارى كوب­ەيگەنى ءسوز بولدى. بىزدە اي سايىن 55-60 ءسابي دۇنيەگە كە­لە­دى, ءبىر جىلدا 730 بالا تۋعان. بىلتىر 600-دەي ءسابي دۇنيەگە كەلدى. ونىڭ ۇستىنە اۋرۋحانانى جوندەۋگە, كىر جۋاتىن ورىنعا, قازاندىق ورناتۋعا, قالدىق زاتتاردى تازارتاتىن قوندىرعىعا 270 ميلليون تەڭگە جۇمسالدى. 

«ديپلوممەن – اۋىلعا!» باع­دارلاماسى بويىنشا سوڭعى ءتو­رت جىلدا 38 دارىگەر ءۇرجار اۋ­رۋحاناسىنا قىزمەتكە ورنا­لاسقان. اۋدان اكىمىنىڭ گرانتى بويىنشا 21 بالا سەمەي مە­ديتسينالىق ۋنيۆەرسيتەتىنە وقۋ­عا ءتۇسىپتى. بيىل 10 جاس ما­مان تۋعان اۋىلىنا كە­لىپ, قى­ز­مەتكە ورنالاستى. جول­دا­ما­مەن كەلگەندەرگە 158 مىڭ تەڭگە كوتەرمە سىيلىق, پا­تەر بەرىلەدى. «ديپلوممەن – اۋىلعا!» باعدارلاماسىمەن كەل­گەن قىمبات مۇساەۆا قازىر بو­لىمشە مەڭگەرۋشىسى بولسا, ال­­ماتىداعى اسفەندياروۆ اتىن­­داعى مەديتسينالىق ۋني­ۆەر­سيتەتتى ءبىتىرىپ كەلگەن مارسەل اليەۆ تەراپەۆت بولىپ قىزمەت ەتۋدە. ولار وزدەرىنە بارلىق جاعدايدى جاساعان اۋرۋحانا باسشىسىنا ريزا.

وڭداسىن ەلۋباي

شىعىس قازاقستان وبلىسى, ءۇرجار اۋدانى