اتىراۋدا «قازگيدرومەت» فيليالى ديرەكتورىنىڭ ورىنباسارى جىمقىرعان اقشانى قايتاردى. اتىراۋ قالاسىنىڭ № 2 سوتىندا قازاقستان رەسپۋبليكاسىنىڭ قىلمىستىق كودەكسىنىڭ 189-بابىنىڭ 3-بولىگىنىڭ 1-تارماعىمەن ايىپتالعان ا.ا.-عا قاتىستى قىلمىستىق ءىس قارالدى, - دەپ حابارلادى سوتتىڭ ءباسپاسوز قىزمەتى.
سوتتالۋشى ا.ا. «قازگيدرومەت» رمك-نىڭ وبلىستىق فيليالى ديرەكتورىنىڭ ورىنباسارى قىزمەتىن اتقارىپ ءجۇرىپ, 2017 جىلدىڭ قازان ايىندا فيليال ديرەكتورىنان قىزمەتتىك قاجەتتىلىككە بايلانىستى دەگەن سىلتاۋمەن كاسپي تەڭىزى ماڭعىستاۋ وبلىسى اكۆاتورياسىنا ەكولوگيالىق مونيتورينگ جۇرگىزۋ ءۇشىن ىسساپارعا رۇقسات الادى. قاراماعىنداعى ون قىزمەتكەرمەن بىرگە ون كۇندىك ىسساپارعا شىعۋى كەرەك بولادى. الايدا سوتتالۋشىنىڭ قىلمىستىق ويى تۋىنداپ, تەڭىزگە شىعاتىن كەمەگە قۇيىلعان قۇنى 2 016 000 تەڭگەنىڭ 16 000 ليتر ديزەل وتىنىن ءوزىنىڭ تانىسىنا ساتىپ جىبەرەدى. كەيىن ىسساپارعا بارۋ قاجەتتىلىگى جوقتىعىن ايتىپ, قىزمەتكەرلەردىڭ ءىسساپار شىعىندارىن ءوزى يەمدەنىپ الادى. كوپ ۇزاماي ءدال وسى قىلمىستىق جوسپارىن تاعى دا ىسكە اسىرادى. ناتيجەسىندە جابىرلەنۋشىگە جالپى مولشەرى 4 463 111 تەنگە كولەمىندە م ۇلىكتىك زالال كەلتىرگەن.
سوتقا دەيىنگى تەرگەۋ بارىسىندا سوتتالۋشى قىلمىسپەن كەلتىرىلگەن م ۇلىكتىك زالالدى جابىرلەنۋشى تاراپتىڭ پايداسىنا تولىق وتەپ بەرگەن. سونداي-اق ول كىنانى مويىنداۋ تۋراسىنداعى پروتسەستىك كەلىسىم جاساۋعا ەرىكتى تۇردە نيەت ءبىلدىرىپ, پروكۋرورمەن پروتسەستىك كەلىسىم جاساقتاعان. سوت ۇكىمىمەن پروتسەستىك كەلىسىم بەكىتىلىپ, سوتتالۋشى ا.ا.-عا ەكى جىل مەرزىمگە شارتتى تۇردە باس بوستاندىعىن ايىرۋ جازاسى تاعايىندالدى.
باقىتگۇل باباش,
«ەگەمەن قازاقستان».
اتىراۋ.