ەلباسىمىز نۇرسۇلتان نازارباەۆ جىل سايىن قازاقستان حالقىنا ءوز جولداۋىن ارناپ, تاۋەلسىز قازاقستاننىڭ دامۋىنىڭ باستى باعىتتارىن بەلگىلەپ كەلەدى.
سونىڭ ناتيجەسىندە ەگەمەن ەلىمىز ارقاشاندا جاڭا بيىكتەردى باعىندىرىپ, بۇگىنگى كۇنى «قازاقستان-2050» ستراتەگياسىن قابىلداعان, ەڭ دامىعان 30 ەلدىڭ قاتارىنا جەتۋ ماقساتىن كوزدەگەن ايبىندى مەملەكەتكە اينالدى.
ەندى وسى ۇلى ماقساتتارعا جەتۋدىڭ جاڭا تاريحي ءداۋىرى باستالدى.
ەلباسىمىز حالىققا ء«تورتىنشى ونەركاسىپتىك رەۆوليۋتسيا جاعدايىندا دامۋدىڭ جاڭا مۇمكىندىكتەرى» جولداۋىن جاريالاپ, ونەركاسىپتىك رەۆوليۋتسيا الەمىنە بەيىمدەلۋدىڭ جانە تابىسقا جەتۋدىڭ 10 مىندەتىن اتاپ كورسەتتى.
ونىڭ ىشىندە ەڭ الدىمەن يندۋستريالاندىرۋعا, اسىرەسە كاسىپورىنداردى جاڭعىرتۋعا جانە تسيفرلاندىرۋعا, كەشەندى اقپاراتتىق-تەحنولوگيالىق پلاتفورمالاردى بەلسەندى تۇردە ەنگىزۋگە, «اقىلدى تەحنولوگيالار» ارقىلى اگرارلىق عىلىمدى دامىتۋعا, كولىك-لوگيستيكا ينفراقۇرىلىمىنىڭ تيىمدىلىگىن ارتتىرۋعا, قۇرىلىسقا جانە كوممۋنالدىق سەكتورعا زاماناۋي تەحنولوگيالاردى ەنگىزۋگە, قارجى سەكتورىن قايتا جاڭعىرتۋعا ايرىقشا نازار اۋدارىلىپ وتىر.
سونداي-اق ەلباسىنىڭ بيىلعى جولداۋىندا ءار جىلدا نەگىزگى مىندەتكە اينالىپ كەلە جاتقان الەۋمەتتىك سالاعا دا ەرەكشە كوڭىل ءبولىندى.
وندا جاستاردى جاڭا تەحنولوگيالىق جاعدايعا دايىنداۋدىڭ ماڭىزدى شارتتارى ايتىلىپ, ءبىلىم بەرۋدىڭ جاڭا ساپالىق كورسەتكىشتەرى ايقىندالدى. وسى رەتتە ەلباسى ءبىلىم بەرۋ مەكەمەلەرى اراسىندا باسەكەلەستىكتى ارتتىرىپ, جەكە كاپيتالدى تارتۋ ءۇشىن قالا مەكتەپتەرىندە جان باسىنا قاتىستى قارجىلاندىرۋ جۇيەسى ەنگىزىلەتىنىن ەرەكشە اتاپ ءوتىپ, ازاماتتاردى الەۋمەتتىك قارجىلاي قولداۋدىڭ باسىم باعىتتارىنا توقتالدى.
ەلباسىنىڭ زاماناۋي دامۋ جولدارىن ەسكەرە وتىرىپ قازاق ءتىلىنىڭ وركەندەۋىنە, رۋحاني جاڭعىرۋعا, حالىقتىڭ دەنساۋلىعىن نىعايتۋعا باسا نازار اۋدارعانى – پرەزيدەنتىمىزدىڭ حالقىنىڭ بار قادىر-قاسيەتىن بويىنا جيناعان ۇلتتىق رۋحىن كورسەتتى.
سونىمەن بىرگە الداعىنى بولجاپ, ەرتەڭگىسىن دە وزا ويلايتىن, بارشا قازاقستاندىقتاردى, بۇكىل مەملەكەتتى الەمدىك وركەنيەتكە جەتەلەيتىن, كورەگەن كوشباسشى, ساياسي قايراتكەر, تاريحي تۇلعا ەكەندىگىن تاعى ءبىر دالەلدەدى.
سوندىقتان ەلباسىنىڭ بيىلعى جولداۋى – زامانعا ساي تاريحي ورلەۋ داۋىرىنە باستايتىن, بارشا قازاقستاندىقتاردى ورتاق ماقسات جولىندا جۇمىلدىراتىن, ءاربىر ازاماتتى ناقتى ءىس-ارەكەتپەن وسۋگە جەتەلەيتىن, ءبىرتۇتاس ۇلت بولۋ قادامىمىزدى ايقىندايتىن وتە ماڭىزدى قۇجات. ونى جۇزەگە اسىرۋ ارقايسىمىزعا, سونىڭ ىشىندە ءبىزدىڭ پارلامەنت دەپۋتاتتارىنا زور جاۋاپكەرشىلىك جۇكتەيدى. ونى ابىرويمەن اتقارۋ بارشامىزدىڭ ابىرويلى مىندەتىمىز.
نۇرلان نىعماتۋلين, پارلامەنت ءماجىلىسىنىڭ توراعاسى