جاڭا جىلدىڭ العاشقى كۇنى استانا حالقىنىڭ سانى 57 ادامعا كوبەيدى, دەپ حابارلايدى ەلوردا اكىمدىگىنىڭ مەديا ورتالىعى.
قالانىڭ ءۇش پەريناتالدىق ورتالىعىندا 57 ءسابي دۇنيەگە كەلدى. قالالىق دەنساۋلىق ساقتاۋ باسقاراماسىنىڭ مالىمەتىنشە, جاڭا جىل ءتۇنى ەلوردادا 9 ادام پيروتەحنيكادان زارداپ شەكتى.
قالانىڭ تراۆموتولوگيالىق پۋنكتەرىنە 320 ادام جۇگىندى. بۇعان قوسا قاڭتاردىڭ 1 مەن 3 ارالىعىندا قالالىق جەدەل مەديتسينالىق جاردەم ستانساسى 1561 شاقىرتۋعا قىزمەت كورسەتتى. ايتا كەتەيىك, جاڭا جىل ءتۇنى استاناداعى قاۋىپسىزدىك پەن تازالىق جۇمىسىن قامتاماسىز ەتۋگە 32 مىڭنان استام جۇمىلدىرىلعان بولاتىن.