بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش جاڭاجىلدىق حابارلاماسىندا ادام بالاسىنىڭ الدىندا تۇرعان باستى قاۋىپ-قاتەردى اتاپ, «قىزىل دابىل» جاريالادى. بۇل تۋرالى تاسس حابارلادى.
ەڭ ءبىرىنشى ول يادرولىق قارۋ سوناۋ سوعىس كەزىنەن بەرى دامىپ, ەڭ جوعارى دەڭگەيگە جەتكەنىن ايتتى. «كليمات ءبىزدىڭ قيمىلىمىزدان دا جىلدام اۋىسىپ جاتىر, تەڭسىزدىك قارقىن الىپ كەلەدى. ءبىز ادام قۇقىعى تاپتالىپ جاتقان جايتتاردى كۇندە كورەمىز. ۇلتشىلدىق, كسەنوفوبيا كۇن ساناپ ارتىپ بارادى.
«مەن ءبىر جىل بۇرىن قىزمەتكە كىرگەن كەزدە 2017 جىلدى بەيبىتشىلىك جىلى دەپ جاريالاۋعا شاقىردىم. وكىنىشكە وراي, الەم مۇلدەم باسقا باعىتتا ءجۇردى. ال جاڭا 2018 جىل قارساڭىندا ەشنارسەگە شاقىرعىم كەلمەيدى. ەندى دابىل قاعامىن», دەدى بۇۇ باس حاتشىسى.
ونىڭ ويىنشا, قازىرگى ۋاقىتتا الەم ءبىر قادام كەرى جاسادى. ونىڭ ورنىن تولتىرۋ ءۇشىن الەم كوشباسشىلارى باس قوسۋى قاجەت.