وڭتۇستىك قازاقستان وبلىسىندا 2017 جىلى 6 553 پاتەر پايدالانۋعا بەرىلدى, دەپ حابارلايدى وبلىس اكىمىنىڭ ءباسپاسوز قىزمەتى.
2016 جىلى وڭىردە كوپقاباتتى 44 ءۇي, ياعني, 214,6 مىڭ شارشى مەتر بولاتىن 2 564 پاتەر تاپسىرىلدى. ال, وتكەن جىلى وبلىستا بارلىعى 976,9 مىڭ شارشى مەتر بولاتىن 245 كوپقاباتتى ءۇيدiڭ قۇرىلىسى جۇرگiزiلدى. ونىڭ 347,2 مىڭ شارشى مەترى, ياعني, 91 ءۇي پايدالانۋعا بەرىلىپ, 4 733 باسپانا ەل يگىلىگىنە ۇلەستىرىلدى. 2016 جىلعىمەن سالىستىرعاندا ءوسىم 61,8 پايىزعا ارتقان, دەلىنگەن ءباسپاسوز حابارلاماسىندا.
وبلىس اكىمى ج.تۇيمەباەۆ جىل باسنىدا وبلىس ورتالىعىنداعى نەگىزگى ماسەلەلەردىڭ ءبىرى - باسپانا ەكەنىن ايتىپ, قالا ورتالىعىندا كوپقاباتتى تۇرعىن ۇيلەردىڭ قۇرىلىسىنا باسىمدىق بەرىپ, ءۇي كەزەگىندە تۇرعان ازاماتتاردى باسپانامەن قامتۋ جايىن قاراستىرۋدى تاپسىرعان بولاتىن. سونداي-اق, قالانى دامىتۋداعى كەزەكتى ءبىر جيىنىندا قالاداعى ۇيلەردىڭ 70 پايىزىن جەر ۇيلەر قۇراعاندىقتان ولاردىڭ ينفراقۇرىلىمدىق قاجەتتىلىكتەرمەن قامتاماسىز ەتۋ اسا كوپ شىعىندى تالاپ ەتىپ وتىرعانىن جانە جەكە تۇرعىن ءۇي قۇرىلىسى كوپتەپ سالىنۋىنان ورتالىقتىڭ ساۋلەتتىك كەلبەتىنە دە ايتارلىقتاي كەرى اسەرىن تيگىزگەنىن ەسكەرتكەن. وسى رەتتە, وبلىستا الداعى ۋاقىتتا كوپقاباتتى تۇرعىن ءۇي سالۋ قارقىنى ەسەلەنە تۇسپەك. ياعني, 2018 جىلى وڭىردە وسى جىلدان وتپەلى كوپقاباتتى 154 تۇرعىن ءۇيدىڭ قۇرىلىسى مەن قوسىمشا جاڭادان كوپقاباتتى 100 تۇرعىن ءۇيدىڭ قۇرىلىسى باستالماق.
جالپى وڭىردە «نۇرلى جەر» باعدارلاماسىنىڭ بارلىق باعىتى بويىنشا 620 مىڭ شارشى مەتر بولاتىن تۇرعىن ءۇي پايدالانۋعا بەرىلىپ, وسىنىڭ ناتيجەسىندە وڭتۇستىكقازاقستاندىق 6 553 وتباسى باسپانالى بولدى. قۇرىلىسى بىتكەن ۇيلەردىڭ ىشىندە 347,2 مىڭ شارشى مەترى كوپقاباتتى بولسا, 272,3 مىڭ شارشى مەترى جەكە تۇرعىن ءۇي.
اتالعان تۇرعىن ءۇي قۇرىلىسىنا 36,9 ملرد تەڭگە كولەمىندە ينۆەستيتسيا سالىندى. بۇل كورسەتكىش وتكەن جىلعىمەن سالىستىرعاندا 8,9 پايىزعا ارتىق. ونىڭ ىشىندە 18,8 ملرد تەڭگە مەملەكەتتىك ينۆەستيتسيالاردى قۇرايدى.