«نيەت» بايقاۋىنا ءوتىنىش قابىلداۋ اياقتالدى

ءبىر اي ىشىندە قازاقستاندىقتاردان وزەكتى تاقىرىپتاردى قامتىعان 600-دەن استام ستسەناري كەلىپ ءتۇستى.

قازىرگى ۋاقىتتا بارلىق جۇمىس قازىلار القاسىنىڭ قاراۋىنا بەرىلدى. بايقاۋ قورىتىندىسى 2018 جىلدىڭ قاڭتار ايىندا جاريالانادى.

كونكۋرستى اقپارات جانە كوممۋنيكاتسيالار مينيسترلىگى Astana Bank جانە Standart Life-پەن بىرلەسە وتىرىپ ۇيىمداستىردى. باس جۇلدە – 1 ميلليون تەڭگە جانە تانىمال رەجيسسەر اقان ساتاەۆتىڭ پروديۋسەرلىگىمەن روليك ءتۇسىرۋ مۇمكىندىگى, دەپ حابارلادى اقپارات جانە كوممۋنيكاتسيالار مينيسترلىگىنىڭ ءباسپاسوز قىزمەتى.