قازاقستان پرەزيدەنتى زەينەتاقى قورى تۋرالى وي ءبولىستى.
ء«بىز گريگوري الەكساندروۆيچ مارچەنكونىڭ تۇسىندا ءچيليدى زەرتتەپ, تاجىريبەسىن قولدانىسقا ەنگىزدىك. ەندى جەكەمەنشىك كومپانيالار زەينەتاقى اقشاسىن باقىلاۋعا الىپ, وزدەرىنىڭ ۇلەستەس كومپانيالارىنا اۋدارۋمەن بولدى. ءبىز ولاردى جازالاپ, اقشانى كەرى قايتارۋىمىزعا تۋرا كەلدى. ولاردى تولىق كۇيدە ساقتاۋ ءۇشىن مەملەكەتكە قايتاردىق. مەملەكەت ونى قايدا ءبولۋ كەرەكتىگىنە تولىقتاي جاۋاپ بەرەدى. سەبەبى, زەينەتاقى قارجىسى دا جۇمىس ىستەۋ قاجەت قوي. بۇل زەينەتكەرلەرگە دە ءتيىمدى. ءبىز ازىرگە ءبارىن ورتالىقتاندىرىپ جاتىرمىز. ۇلتتىق بانك ولاردىڭ تولىق كۇيىندە ساقتالۋىنا جانە ارتۋىنا جاۋاپ بەرەدى», دەدى پرەزيدەنت.
مەملەكەت باسشىسىنىڭ ايتۋىنشا زەينەتاقى قورىن قازاقستاننىڭ ينفراقۇرىلىمىنا جانە يندۋسترالدى جوبالاردى جۇزەگە اسىرۋعا باعىتتالۋى قاجەت.
«ەگەر قازاقستاندىق ينفراقۇرىلىمداردىڭ دامۋىنا بولەر بولساق, ول ەشقايدا كەتپەيدى, وزىمىزدە قالادى. سەبەبى, زاۋىت, فابريكا وسىندا. ارى قاراي زەينەتاقى قورىن نە ىستەۋ قاجەت؟ ماسەلەن, نورۆەگيانىڭ تاجىريبەسى ءتيىمدى. ول جاقتا زەينەتاقى قورىن ۇلتتىق قورمەن بىرىكتىرگەن. بىرىڭعاي قور بولدى, الدەقايدا تيىمدىرەك. مۇمكىن ءبىز دە وسى جولمەن جۇرەمىز. بىراق وعان باقىلاۋدى مەملەكەت ءوز ۋىسىنان شىعارماۋى قاجەت. مەملەكەت زەينەتاقى قورىن باقىلاۋدا ۇستاۋى قاجەت», دەدى پرەزيدەنت.