قازاقستاننىڭ گەرمانيا فەدەراتيۆتiك رەسپۋبليكاسىنداعى ەلشiلiگىنىڭ شاقىرۋىمەن وبلىستىق فيلارمونيانىڭ ارتىستەرى بەرلين, فرانكفۋرت قالالارىنا گاسترولدىق ساپارمەن بارىپ قايتتى.
ەكى ەل اراسىندا ديپلوماتيالىق قاتىناستىڭ ورناعانىنا 25 جىل تولۋىنا وراي ۇيىمداستىرىلعان مادەني ءىس-شارا اياسىندا ەۋروپا تورىندە قۇرمانعازىنىڭ, تاتتىمبەتتىڭ كۇيلەرى وينالىپ, بالۋان شولاقتىڭ, اقان سەرىنىڭ, ۇكىلى ىبىرايدىڭ اسەم اندەرى اۋەلەتە شىرقالدى. ۇلتتىق سالت-داستۇرلەرىمىز كەڭىنەن تانىستىرىلدى. وسىلايشا فرانكفۋرت پەن بەرليننىڭ ساحناسىندا ونەر كورسەتكەن وبلىستىق فيلارمونيانىڭ ارتىستەرى گاسترولدىق ساپاردان ەرەكشە كوڭىل-كۇيمەن ورالدى.
«گەرمانيا فەدەراتيۆتىك رەسپۋبليكاسىنداعى قازاقستان ەلشىلىگى مەن وبلىستىق مادەنيەت, مۇراعاتتار جانە قۇجاتتامالار باسقارماسىنىڭ قولداۋىمەن گاسترولدىق ساپار بارىسىندا نەمىس حالقىنا ءوز ونەرىمىزدى كورسەتىپ, مادەنيەتىمىزدى پاش ەتتىك. ونەر دەيتىن قۇدىرەتتىڭ ارقاسىندا ونداعى جۇرتقا ۇلتتىق بولمىس-ءبىتىمىمىزدى تانىتۋعا تىرىستىق. جوعارى دەڭگەيدە وتكەن مادەني شارانى نەمىس اعايىندار ىستىق ىقىلاسپەن قابىلدادى,» دەيدى ءداستۇرلى ءانشى ءبىرجان ەسجان. وبلىستىق فيلارمونيانىڭ ارتىستەرى, كۇيشى اسحات عالەەۆ, قىلقوبىزشى ايدوس اقىلبەكوۆ, پريما قوبىزشى ايعانىم ماحانبەتوۆا دا ەۋروپا تورىندە ونەر كورسەتىپ كەلدى.
گەرمانيادا قازاقتىڭ ءانىن قالىقتاتىپ, كۇيىن كۇمبىرلەتكەن جەرلەستەرىمىزگە مادەنيەت جانە سپورت ءمينيسترىنىڭ العىس حاتى تابىس ەتىلدى.
بۇگىنگى كۇنى «ادەمى-اۋ» قازاق بي ءانسامبلى بىرىككەن اراب امىرلىكتەرىنە گاسترولدىك ساپارعا دايىندالۋدا. ول جاقتا وتەتىن حالىقارالىق فەستيۆالعا اۋقىمدى باعدارلاما ۇسىنباق.
ءسوز اراسىندا «القيسسا» فولكلورلىق-ەتنوگرافيالىق ءانسامبلدىڭ اسپان استى ەلىنە ساپارلاپ بارا جاتقانىن ايتا كەتكەن ءجون.
ءومىر ەسقالي,
«ەگەمەن قزاقستان».
سولتۇستىك قازاقستان وبلىسى