بۇگىن ماڭعىستاۋ وبلىسىنىڭ اكىمى ەرالى توعجانوۆ جاڭاوزەن قالاسىنىڭ تۇرعىندارىنا جاڭا اكىمدى تانىستىردى. قالالىق ءماسليحاتتىڭ شەشىمىمەن شاھار باسشىسى بولىپ داۋىلباەۆ ادىلبەك تاعايىندالدى. ادىلبەك ق ۇلىنتاي ۇلى بۇعان دەيىن ماڭعىستاۋ وبلىسى قاراقيا اۋدانىنىڭ اكىمى قىزمەتىن اتقارعان.
ال, جاڭاوزەن قالاسىنىڭ بۇرىڭعى اكىمى ەلۋباي ءابىلوۆ دەنساۋلىعىنا بايلانىستى ءوز ەركىمەن لاۋازىمىن بوساتتى.
داۋىلباەۆ ادىلبەك ق ۇلىنتاي ۇلى 1964 جىلى ماڭعىستاۋ وبلىسى, تاۋشىق اۋىلىندا تۋىلعان. 1988 جىلى ونەركاسىپتىك-ازاماتتىق قۇرىلىس ماماندىعى بويىنشا الماتى قالاسىنىڭ قۇرىلىس تەحنيكۋمىن تامامداعان. 2004 جىلى م.تىنىشباەۆ اتىنداعى كازاق كولىك جانە كوممۋنيكاتسيا اكادەمياسى, بىلىكتىلىگى - ينجەنەر-قۇرىلىسشى.ەڭبەك جولىن 1981 جىلى ماڭعىستاۋ اۋدانى شەتپە سەلوسىندا ماڭعىستاۋ تۇرعىن-ۇي پايدالانۋ باسقارماسىنىڭ جۇمىسشىسى بولىپ باستاعان.
2001-2002 جىلدارى ماڭعىستاۋ وبلىستىق مەملەكەتتىك ساۋلەت-قۇرىلىس ينسپەكتسياسىنىڭ ديرەكتورىنىڭ ورىنباسارى, 2002-2004 جىلدارى ساۋلەت-قۇرىلىس باقىلاۋ جانە ليتسەنزيالاۋ اۋماقتىق باسقارماسىنىڭ جەتەكشى مامانى, 2005-2006 جىلدارى جەتەكشى مامان, باس مامان, ءبولىم باسشىسى, ماڭعىستاۋ وبلىسىنىڭ مەملەكەتتىك ساۋلەت-قۇرىلىس باقىلاۋ باسقارماسى باستىعىنىڭ مىندەتىن اتقارۋشى بولىپ قىزمەت ەتكەن ول 2006-2009 جىلدارى ماڭعىستاۋ وبلىسىنىڭ مەملەكەتتىك ساۋلەت-قۇرىلىس باقىلاۋ باسقارماسىنىڭ باستىعى, 2009 جىلدىڭ شىلدە ايىنان باستاپ قاراقيا اۋدانىنىڭ اكىمى لاۋازىمىن اتقاردى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى