وڭتۇستىك قازاقستان وبلىسى ارىس قالاسىندا مەملەكەتتىك-جەكەمەنشىك ارىپتەستىك اياسىندا 360 ورىندىق بالاباقشا پايدالانۋعا بەرىلدى. جاڭادان اشىلعان «ليدەر» بالاباقشاسىندا بۇگىندە 55 ادام جۇمىسپەن قامتىلعان. زاماناۋي ۇلگىدە سالىنعان عيماراتقا 380 ملن. تەڭگە قارجى جۇمسالعان.
بوبەكجاي زاماناۋي قۇرال-جابدىقتارمەن قامتىلعان. جاس ورەندەردىڭ تاربيە الۋىنا جانە ولاردىڭ بويىنا ءبىلىمنىڭ العاشقى نەگىزىن قالاۋعا قاجەتتى جاعدايدىڭ بارلىعى جاسالعان. بالاباقشا ىشىندەگى بالالار ويىن الاڭىنا دا ەرەكشە كوڭىل بولىنگەن. ويتكەنى, مەكەمەنىڭ باستى باعىتى بۇلدىرشىندەرگە تەك تاربيە بەرىپ قانا قويماي ولاردىڭ سپورتپەن اينالىسۋىنا باسا نازار اۋدارىلعان.
جالپى ارىس قالاسىندا بۇگىندە 49 مەكتەپكە دەيىنگى ۇيىمدا 4207 بالا تاربيەلەنۋدە, ياعني بالاباقشامەن قامتىلۋ كورسەتكىشى 85,9 پايىزدى قۇراپ وتىر. سونىڭ ىشىندە مەملەكەتتىك-جەكەمەنشىك ارىپتەستىك اياسىندا 27 جەكەمەنشىك بالاباقشا, 10 مەملەكەتتىك, 12 مەكتەپ جانىنان اشىلعان بالاباقشا جۇمىس ىستەپ كەلەدى.
ارىس قالاسىنا جاساعان جۇمىس ساپارى بارىسىندا وبلىس اكىمى ج. تۇيمەباەۆ مەكتەپكە دەيىنگى ءبىلىم بەرەتىن مەكەمەنىڭ اشىلۋ سالتاناتىنا قاتىسىپ, بۇلدىرشىندەرگە بالدىرعان ۆەلوسيپەدىن سىيعا تارتى. بۇدان بولەك, ايماق باسشىسى ارىس قالاسىنداعى مەملەكەتتىك-جەكەمەنشىك سەرىكتەستىك اياسىندا قۇرىلىسى ءجۇرىپ جاتقان بالاباقشامەن دە تانىستى. 100 ورىنعا شاقتالعان بالاباقشانىڭ قۇنى 80 ملن. تەڭگەنى قۇرايدى. زاماناۋي ۇلگىدە سالىنىپ جاتقان نىسان 2018 جىلى پايدالانۋعا بەرىلەدى دەپ كۇتىلۋدە.